Илмий тадқиқот асослари: 1000 саволга 1000 жавоб тошкент–2019

826 - САВОЛ: 
ПЕДАГОГИК МАҲОРАТ ОРҚАЛИ НИМА-
ЛАР МУКАММАЛ ШАКЛЛАНАДИ? 
ЖАВОБ: Педагогик маҳорат – бу ўқитувчининг устоз-
мураббийлик фазилатлари, ўқитувчилик касбининг сирларини 
чуқур эгаллаганлиги, инсонийлик ва истеъдоди ҳамда 
интеллектуал салоҳияти ва шу кабилари асосида ундаги касбий 
билим, тушунча, тасаввур, кўникма ва малакаларнинг мукаммал 
шаклланган касбий фаолияти маҳсули. 
КЎРСАТМА: 1. Педагогик маҳоратдан кўзланган мақсад 
дарснинг сифати ва самарадорлигини оширишдан иборат бўлиб, 
ўқитувчининг касбий-ижодий фаолиятини ташкил этишдир. Бунда 
ўқитувчининг маҳорати таълим олувчилар ичидан кимга нимадир 
тушунарсиз бўлганлигини тезда (ўз вақтида) илғай олиш 
қобилиятига боғлиқ бўлади.
2. Ўқитувчи дарс материалини аниқ, мукаммал (пухта) 
ўзлаштириш ва уни баён эта олиш қобилиятига эга бўлиши керак. 
3. Ўқитувчининг дарс мақсадига эришганлигини баҳолаш 
ҳамда хулосалаш қобилиятларига эга бўлиши керак ва шу кабилар. 
827 - САВОЛ: 
ПЕДАГОГИК МОДЕЛЛАШТИРИШ – БУ 
ҚАНДАЙ ЖАРАЁН? 
ЖАВОБ: Педагогик моделлаштириш – бу педагогик тизим, 
жараён ёки вазиятларни, уларга эришишнинг асосий йўлларини 
ишлаб чиқиш ва яратиш модели бўлиб, унда билиш объекти эмас, 
балки унинг тасвирий модели ўрганилади, унга мос тадқиқот 
натижалари эса моделдан объектга кўчирилади. 
Моделлар прогностик, назарий, математик ёки лойиҳавий 
бўлиши мумкин. 
КЎРСАТМА: Педагогик моделлаштиришда педагогик прог-
ностикадан самарали фойдаланишга ҳаракат қилиш керак. Бунга 
сабаб педагогик прогностика таълимнинг турли босқичларида 
амалга ошириладиган педагогик фаолиятнинг мазмуни, метод-
лари, воситалари, ташкилий шаклларини ривожлантириш ис-
тиқболлари ҳақида маълумотлар олишга йўналтирилган ва махсус 
ташкил этилган тадқиқотлар мажмуасидан иборат.

---

524