Илмий тадқиқот асослари: 1000 саволга 1000 жавоб тошкент–2019

 
444 - САВОЛ: 
ИННОВАЦИОН ТАЪЛИМ – БУ ҚАНДАЙ 
ТАЪЛИМ? 
ЖАВОБ: Инновацион таълим – бу бўлажак мутахассисларни 
жойларда ишлашга тайёрловчи жараён бўлиб, у аввал олган 
билимлар асосида таълимни такомиллаштириш ва самарали янгича 
ёндашув қилишдан иборатдир. 
Унда таълим-тарбияда сифат кўрсатгичига эришиб, юқори 
самарадорликни қўлга киритиш амалга оширилади ва ижодкорликка
йўналтирилади ҳамда таълим технологияларини янгича сифат 
бошқарувига кўтариш, шунингдек, таълим-тарбияда замонавий 
ёндашувларни ташкил қилиб бориш орқали таъминланади.
КЎРСАТМА: Ҳар қандай педагогик илмий тадқиқот иши билан 
шуғулланувчи тадқиқотчи инновацион таълимни яратиш билан 
шуғулланиши керак. Бунга сабаб, инновацион таълим таълимда 
замон билан ҳамнафас таълим технологияларини яратиш билан 
шуғулланишга доим имконият яратади. 
 
445 - САВОЛ: 
ИННОВАЦИОН ТАЪЛИМНИНГ ИСТИҚ-
БОЛЛАРИНИ ҚАНДАЙ КЕТМА-КЕТ-
ЛИКДА БАЁН ҚИЛИШ МУМКИН? 
ЖАВОБ: Инновацион таълимнинг истиқболлари – бунда 
кадрлар тайёрлаш тизимига илм-фаннинг узвий равишда кириб 
бориши учун қуйидагилар зарур бўлади: 

илмий тадқиқот ишларини яратиш ва ўзлаштириш юзасидан 
мақсадли инновацион лойиҳаларни шакллантириш ва амалга 
ошириш йўли билан илм-фаннинг таълим амалиёти билан 
интеграциясини таъминлаш чора-тадбирларини ишлаб чиқиш; 

инновацион таълим технологияларини жорий этиш учун 
тажриба-синов майдончаларини ташкил этиш; 

инновацион интегратив таълим марказини шакллантириш; 

юқори малакали кадрлар тайёрлаш сифатини ошириш бора-
сида ёшларнинг илмий ижодиётини ҳар томонлама қўллаб-
қувватлаш; 

таълим муассасаларидаги илмий тадқиқот ва илмий - услубий 
ишлар даражасини баҳолашга замонавий ёндашувни рўёбга 

---

311 
чиқариш, илмий тадқиқотлар ва технологиялар, ишланмалар 
натижалари тижоратлашуви асосида олимларнинг обрў-эътибори ва 
ижтимоий мақомини ошириш; 

мамлакат илм-фанининг халқаро илмий ҳамжамиятдаги 
интеграциясини фаоллаштириш (кучайтирш, мазмунини янада 
бойитиш), таълим соҳаси ва кадрлар тайёрлашни такомиллаштириш 
мақсадида илмий ютуқлар ва олимлар билан ўзаро алмашинув 
жараёнини янада кучайтириш. 
КЎРСАТМА: 1. Қилинаётган ижодий фаолиятингиз натижаси 
“Фан-таълим-амалиёт” интеграциясини ҳисобга олиб амалга 
оширсин. Ана шунда энг муҳим талаблардан бири бўлмиш, илмий 
тадқиқот ишининг амалий аҳамияти янада оширилади. 
2. Илмий тадқиқот ишининг кенг кўламда эканлигига ва 
уларнинг тарихий илдизларга (мутафаккирлар фикрларига) эътибор 
берилса, ижодий фаолиятдаги мукаммаллик таъминланади.