Илмий тадқиқот асослари: 1000 саволга 1000 жавоб тошкент–2019

144 - САВОЛ: 
ИНТЕРНЕТ – БУ ҚАНДАЙ ТАРМОҚЛАР 
МАЖМУИДАН ИБОРАТ?
ЖАВОБ: Интернет – кўплаб (минглаб) локал ва минтақавий 
компьютерлар тармоқларини бир-бутун қилиб бирлаштирувчи 
дунё компьютер тармоғи. 
Интернет – (лотинча, “inter” – аро ва “net” (work) – тармоқ) – 
катта (глобал) ва кичик (локал) компьютер тармоқларини ўзаро 
боғловчи бутунжаҳон компьютер тизими. 

---

112 
Интернет – бутун дунё бўйлаб фаолият кўрсатадиган халқаро 
ахборот алмашинишининг глобал компьютерли тармоғидир. Унда 
географик ўрин замон ва макондан қатъи назар, айрим компьютер 
ва майда тармоқлар ўзаро ҳамкорликдаги глобал информация 
инфратузилмасини ташкил этади. Турли йўналишларда кенг 
кўламдаги янгиликларни тарқатиш ва телеконференцияларни 
тақдим этиш каби муаммолар ечимига ёрдам кўрсатади. 
Қайдномалар тизими билан бошқаришдаги барча ҳосила 
тармоқлари ҳамкорликда истеъмолчиларга ахборотни сақлаш, 
эълон қилиш, жўнатиш, қабул қилиш ва маълум бўлган барча 
вариантлар (матн, товуш, видеотасвир, фотосурат, графика, 
мусиқа тарзида ва бошқа кўринишлар)да ахборот алмашинувига 
имкон яратади.
Ўзбекистонда глобал интернет тармоғига уланиш масалалари 
1997 йилдан бошланган. Ушбу тармоққа уланган истеъмолчи 
ишхонасидаги (уйдаги ҳам) компьютер орқали хоҳлаган 
давлатдаги интернет тармоғига уланиши мумкин ва улардан 
ахборотларни матн, сурат, графика, жадвал ёки видеотасвир 
кўринишида олиши мумкин. 
КЎРСАТМА: Маълумки, интернет бутунжаҳон глобал тармоқ 
эканлигини ва у давлат таълим, тижорат, ҳарбий ва корпоратив 
тармоқларни бирлаштиришини эсдан чиқармаслик керак. Бунга 
сабаб, глобал тармоқда оммавий ва хусусий равишда юқори 
даражали коммуникация хизматлари ҳамда Ер шари қамраб олган 
компьютер тармоқлари тўплами органик бирликда қаралади.