Илмий тадқиқот асослари: 1000 саволга 1000 жавоб тошкент–2019

 
523 - САВОЛ: 
ТАЪЛИМНИ БОШҚАРИШ – БУ ҚАНДАЙ 
ЖАРАЁН? 
ЖАВОБ: Таълимни бошқариш – бу бошқарувчининг – 
ўқитувчининг – тадқиқотчининг мавжуд имкониятлари (фан 
юзасидан мавжуд билимлари, эгалланган турли ўқитиш услублари, 
ўқув восита ва қуроллари, педагогик маҳорати) асосида таълим 
олувчиларда керакли (зарур бўлган) билим, кўникма ва малакаларни 
қўйилган мақсадга мос шакллантириш жараёнидир. 
КЎРСАТМА: Тадқиқотчи тадқиқот мақсадига эришиб бўлса, у 
ҳолда ушбу соҳа бўйича белгиланган таълим жараёни тўхтатилиб, 
кейинги мақсадга ўтилади. Бу бошқарилувчи (таълим олувчи) 
билими ДТС талаблари асосида қўйилган мақсад билан устма-уст 
тушиши орқали текширилади 
 
524 - САВОЛ: 
ТАЪЛИМНИ БОШҚАРИШНИНГ МАЪЛУМ 
БИР КЕТМА-КЕТЛИГИ БОРМИ? 
ЖАВОБ: Таълимни бошқаришнинг тизимий ёндашув 
услубиятига асосланган қуйидаги кетма-кетлиги бор: 

ўрганилаётган фан бўйича маълумотлар (назарий ва 
амалий)ни тайёрлаш; 

тайёрланган маълумотларни ўқитиш услуби ва мақсадини 
эътиборга олган ҳолда тизимларга ажратиш; 

ўрганилаётган фан мазмунини ўқитишнинг қўлламоқчи 
бўлган илғор педагогик усуллари нуқтаи назаридан таҳлил қилиш; 

илғор педагогик технология яратилишининг дастлабки 
босқичига оид мақсадни аниқлаш; 

илғор 
педагогик 
технология 
асосида 
ўқитишнинг 
вазифаларини ишлаб чиқиш; 

илғор педагогик технологияларни амалиётга қўллаш жараёни 
кетма-кетлигини ишлаб чиқиш; 

---

354 

илғор педагогик технология асосида ўқитиш дастурини 
экспертиза қилиш; 

илғор педагогик технологиялардан фойдаланишга турли 
услубий тавсиялар тайёрлаш; 

илғор педагогик технологияларни қўллаш ва эришилган 
натижаларни билим, кўникма ва малака тизимларига ажратиш; 

олинган натижалар бўйича сифат кўрсаткичларини аниқлаш; 

кўзланган мақсадга эришганлик даражасини баҳолаш; 

таълимни бошқариш жараёни тўғрисида хулоса чиқариш.
КЎРСАТМА: Таълимни бошқариш кетма-кетлигини яхлит 
тизим сифатида қараш керак. Бунга сабаб, ушбу жараёндаги тўғри ва 
тескари алоқани ҳисобга олишга имконият борлигидир. Чунки, 
бошқарувчи тўғри ва тескари аолоқасиз жараён кечишини назорат 
қила олмайди ва демакки, мақсадга мувофиқ бошқара олмайди, 
айниқса, таълимни оптимал бошқариш учун фикр алмашиниш керак 
(бошқарувчи муайян жараённинг ҳар бир қадами ҳақида мунтазам 
равишда маълумотга эга бўлиб бориш керак).