Илмий тадқиқот асослари: 1000 саволга 1000 жавоб тошкент–2019

 
279 - САВОЛ: 
БОШҚАРУВДА СТРАТЕГИК ҚАРОР ДЕ-
ГАНДА НИМАНИ ТУШУНАСИЗ? 
ЖАВОБ: Бошқарувда стратегик қарор – бу таълим муассасининг 
узоқ муддатга мўлжалланган бир тўхтамга келган фикри бўлиб, у ўша 
муассасанинг ривожланиш вазифалари ва мақсадини белгиловчи 
ҳужжатдир. Бошқарувда стратегик қарорни қабул қилишда таълим 
муассасанинг истиқболли ҳаракати дастури асос қилиб олинади, узоқ 
муддатларга мўлжалланган мақсадларга эришишда бажариладиган 
вазифаларнинг муддати ва мутасаддиси белгиланади, мавжуд 
(қаралаётган) муаммоларни ҳал этиш йўллари ва услублари 
кўрсатилади. 
КЎРСАТМА: Илмий тадқиқот ишларини бошқаришда бош-
қарувнинг стратегик қарорини қабул қилиш учун ахборотлардан 
фойдаланишда тадқиқот мақсад-вазифаларини эътиборга олиш 
лозим ва бунда кутилаётган натижа (ишчи фараз асосида 
лойиҳалаштирилган) асосий мўлжалда бўлиши керак. 
 
280 - САВОЛ: 
ДИАГНОСТИКА – БУ ҚАНДАЙ ЖАРАЁН-
ЛАРНИ ҚАМРАБ ОЛАДИ? 
ЖАВОБ: Диагностика (Ташхислаш) – бу педагогиканинг бир 
бўлими бўлиб, у таълим - тарбия жараёнларининг мақсади, маз-
муни, усуллари, воситалари, натижаларининг сифати ва сама-
радорлигини, педагогик ходимларнинг касбий тайёргарликлари, 
билим, кўникма, малака ва маҳоратларини, таълим олувчиларнинг 
билимларини ўзлаштиришлари ва тарбияланганлик даражаларини 
ҳар томонлама ўрганиш, таҳлил қилиш асосида хулосалар 
чиқариш, баҳолаш ва янада такомиллаштириш юзасидан 
тавсиялар бериш.
КЎРСАТМА: Педагогик тадқиқотларнинг илмий-назарий 
асослари билан биргаликда уларнинг амалий аҳамияти ҳам 
эътиборга олиниши шарт. Ана шу ҳолатлардагина тадқиқот 
ишлари боришини ташхислаш мумкин бўлади ва айниқса, бу 
орқали тадқиқот ишининг бориши тўғрисида мониторингини ҳам 
олиб бориш мумкин бўлади. 

---

212