Илмий раҳбар: т ф. н асс. Муҳитдинов У. Б тошкент- 2022 Мундарижа

Темир танқислик анемияси ташхиси-темир танқислиги анемияси ташхиси визуал текшириш,беморнинг инструментал текширувлари ва қоннинг лаборатория таҳлиллари натижаларини баҳолаш маълумотларига асосланган. Жисмоний ривожланиши ўрганилиши билан бирга тери ҳолига, оғиз шиллиқ қаватига, лаблар бурчакларига эътибор берилади ва талоқ ҳажми пайпаслаш орқали баҳоланади.
Қоннинг умумий таҳлили ТТА нинг клиник тасвирида ёшга ва жинс меъёрига нисбатан эритроцитлар ва гемоглобин миқдорининг пасайиши, турли катталикдаги эритроситлар (пойкилотситоз) , микроститоз аниқланади. Анемиянинг оғир ҳолларида қонда асосан 7.2 мкм дан кичик бўлган эритроситлар учрайди, гипохром, эритроситларнинг ранги заиф, паст ранг кўрсаткичи аниқланади.
Темир танқислиги анемияси учун биокимёвий қон тестининг натижалари қуйидаги кўрсаткичларга эга:

• 
  Ферритин оқсили концентрациясининг пастлиги, у организмда темир захираси вазифасини бажаради;
  
• 
  Зардобли темир даражаси паст бўлиши;
  
• 
  Қон зардоби темир бириктириш қобилиятининг ошиши.
  

Гемоглабин миқдорининг пасайиш даражасига қараб , анемиянинг 3 тури фарқланади.

1. 
   Енгил – гемоглобин даражаси нормадан паст , бироқ 90 г/л дан юқори;
   
2. 
   Ўртача - гемоглобин даражаси 90-70 г/л оралиғида ;
   
3. 
   Оғир - гемоглобин даражаси 70г/л дан камроқ
   

Жадвал 1.1
ЖССТ бўйича жинс ва ёшга кўра 1 литр қондаги гемоглобиннинг нормалари

Ёш ва жинс	Hb чегараси (г/л)
Болалар (3ой-5 ёш )	110
Болалар(5-12ёш)	115
Болалар (12<)	120
Эркаклар (>15ёш)	130-160
Аёллар	120
Хомиладорлар	110