“Ilm-zakovatimiz – senga, ona-Vatan!” mavzusidagi Respublika onlayn ilmiy-amaliy anjumani materillari

 
 
 

---

“Ilm-zakovatimiz – senga, ona-Vatan!” mavzusidagi Respublika onlayn
ilmiy-amaliy anjumani materillari 
71 
 
Z.Q. Shermatova – Farg’ona davlat universiteti geografiya mutaxassisligi 
magistranti
MEHNAT RESURSLARI VA ULARDAN SAMARALI FOYDALANISH 
YO‘LLARI (FARG‘ONA VILOYATI MISOLIDA) 
 
Annotatsiya
: Maqolada Farg‘ona viloyati mehnat resurslari o‘sishi va uning tarkibiy 
o‘zgarishi hamda iqtisodiyotda bandligi dinamikasi tahlil qilinib, ulardan samarali 
foydalanish yo‘llari bo‘yicha fikr-mulohazalar bayon etilgan. 
Kalit so‘zlar:
aholi, mehnat resurslari, bandlik darajasi, demografiya, migratsiya, 
iqtisodiy faol aholi, aholiga hizmat ko‘rsatish
Kirish
. Viloyatimiz iqtisodiyotini mustahkamlash borasidagi eng muhim va hal 
qilinishi lozim bo‘lgan muammolardan biri aholining mehnatga layoqatli va doimiy ish 
joyiga muhtoj qatlamini ish bilan ta’minlash hisoblanadi. Mamlakatda tadbirkorlik 
tashabbuslari va loyihalarini jadal amalga oshirishni tashkil etish, aholi bilan muloqot 
tizimini yo‘lga qo‘yish, aholi turmush darajasi va bandligini oshirish, hududlarni jadal va 
kompleks ijtimoiy-iqtisodiy rivojlantirishni ta’minlashda mahalliy ijroiya hokimiyati 
organlari rahbarlarining shaxsiy javobgarligini oshirish bo‘yicha kompleks chora-tadbirlar 
amalga oshirilmoqda [1].
 
Bu borada respublikamiz Prezidenti va Vazirlar mahkamasi tomonidan ko‘plab 
qonun va qarorlar imzolandi. O‘zbekiston Respublikasi Prezidentining 2020-yil 26-
martdagi “Iqtisodiyotni rivojlantirish va kambag‘allikni qisqartirishga oid davlat siyosatini 
tubdan yangilash chora-tadbirlari to‘g‘risida”gi PF-5975-son Farmoni  O‘zbekiston 
Respublikasi Prezidentining 2019-yil 23-oktabrdagi “O‘zbekiston Respublikasi qishloq 
xo‘jaligini rivojlantirishning 2020-2030 yillarga mo‘ljallanganstrategiyasini tasdiqlash 
to‘g‘risida”gi 
PF-5853-son Farmoni, O‘zbekiston 
Respublikasi 
Prezidentining 
”Urbanizatsiya jarayonlarini tubdan takomillashtirish Chora-Tadbirlari to‘g‘risida”gi 
farmoni buning yaqqol ifodasidir. 
Mamlakatimizda ko‘plab tadqiqotchilar aholi bilan bog‘liq ijtimoiy, iqtisodiy va 
ekologik masalalarni o‘rganganlar. Jumladan, A.A.Qayumov (2000), A.S.Soliev (2005), 
M.R.Bo‘rieva 
(2005), 
O.B.Ata-Mirzaev 
(2006), 
X.X.Abdurahmonov 
(2010), 
YU.Axmadaliev (2014), Z.N.Tojieva (2010, 2017) kabi tadqiqotchilar tomonidan mehnat 
resurslarini shakllanishi va aholi bandligiga oid ishlar olib borilgan. Ushbu maqolada 
Farg‘ona viloyatda mehnat resurslari va ulardan oqilona foydalanish masallari geografik 
jihatdan yoritib berilgan. 
Asosiy qisim. 
Mehnat resurslarining soni, o‘sish dinamikasi, malakaviy tayyorgarligi 
va joylanish xususiyatlari, viloyat miqyosida va ichki tumanlar doirasida ishlab chiqarishni 
ixtisoslanishiga, tashkil qilishiga va rivojlanishiga katta tasir ko‘rsatadi. Iqtisodiy geografik 
tadqiqotlarning deyarli barchasi u yoki bu darajada, albatta, tabiiy geografiya 
ma’lumotlariga tayanadi, ularga iqtisodiy-ijtimoiy jihatdan baho beriladi [2]. 
Farg‘ona viloyatining doimiy aholisi soni 2021-yil 1-oktabr holatiga ko‘ra, 3 878,0 
ming kishini tashkil etib, yil boshidan 58,1 ming kishiga yoki 1,5%ga o‘sdi [6]. Viloyat 
hududlari kesimidagi tahlillar shuni ko‘rsatmoqdaki, 2021-yil 1-oktabr holatiga eng ko‘p 

---