Ikkinchi darajali bo’laklar. Gapning egasi yoki kesimiga tobelanib,ularga ergashib keluvchi bõlaklardir. Uchga bõlinadi: aniqlovchi, tõldiruvchi,hol

a) nomustaqil- bunda kesimga to’g’ridan to’g’ri bog’lana olmaydi. M:
Dangasaning non(ni) yeyishini ko’r ----------------------------------------
Radiodan taralayotgan kuy poezdning taraqa- turuqiga jo’r bo’lib, kishini hayratga solardi.
Aniqlovchi .
Aniqlovchi ma’lum bir gap bo’lagi vazifasida kelgan predmetni bildiruvchi so’zlarga bog’lanib, uning belgisini bildiradigan ikkinchi darajali bo’lakdir. Doimo bo’lakning bo’lagi sifatida namoyon bo’ladi.
Aniqlovchi gapning biror bõlagini aniqlab keladi. U aniqlagan bõlak aniqlanmish deyiladi. Aniqlovchi narsa-buyumning rang-tusi ,mazasi,hajmi,kim yoki nimaga qarashliligini bildiradi. Qanday? qaysi? nechanchi? qancha? nechta? kimning? nimaning? sõroqlarining biriga javob bõladi. Aniqlovchi ega ,ot kesim,tõldiruvchi va holga bog’lanadi.
Aniqlovchi predmetning qanday belgisini ifodalashiga ko’ra uch xil:
1) sifatlovchi aniqlovchi;
2)qaratqiach aniqlovchi;
3) izohlovchi aniqlovchi.
Sifatlovchi.
Predmetning belgisini (ta’m-maza, xil-xususiyat, miqdor, tartib, o’rin va paytga munosabat) bildirgan aniqlovchilardir.
Formulasi:
Sifatlovchi + sifatlanmish
Sifatlovchili birikma
Bitishuv munosabati
IFODALANISHI:
1. Sifat bilan:Ziyrak qõng’ir kõzlarini tikdi.
2.Son bilan: Ikki tup sadaqayrag’och tõrt-besh kishilik supaga soya solib turibdi.
3. Olmosh bilan: Ana shu gullarning g’unchalari chiroyli.
4. Ot bilan: Kumush qishdan,zumrad bahordan qolishmaydi kuzning ziynati.
5. Ravish bilan: Uzoq-yaqin yerlardan odamlar keldi.
6. Sifatdosh bilan: Mayin esgan shaboda kõnglimizni chog’ladi.
7. Modal sõz bilan: Zarur ishlarni bitirdik.