Икки эшик ораси: роман. Ўткир Ҳошимов

2. «Паҳлавон»нинг бешиги
«Қора аммам»нинг маслаҳати билан ўша заҳоти 
кўчага югурдим.
– Суюнчи беринглар! Ойим ўғил туғдилар!
Энг аввал Абдувалиларникига кирдим. Билиб 
қўйсин, энди бизнинг ҳам укамиз бор. Ўғил ука-
миз! Отини Омон қўямиз!
Абдувалининг ўзига ўхшаган сариқ ойиси дўп-
пимга ўрик тўлдириб берди.

---

228
– Хайрият-ей! – деди суюниб. – Омон-эсон қуту-
либди, бечора!
Ўрик тўла дўппимни маҳкам ушлаганча чойхо-
на томонга чопиб кетаётсам, кетимдан Абдували 
ҳам етиб олди. Унинг ойиси туғмагану бари бир 
суюнчига шерик бўлмоқчи. Майли, шу қилгани-
га дадасининг сартарошхонасига кириб, суюнчи 
сўрайман.
«Туя» амаки иккаламизга биттадан йигирма 
тийинлик берди. Илҳом чойхоначи бўлса жудаям 
сахийлик қилиб юборди.
– Ие, гирой, сиз укалик бўласизу бизни суюн-
чидан қочирасизми? – деб менга кўк, Абдувалига 
сариқ қоғоз пул тутқазди.
Укалик бўлиш яхши экан! Бирпасда анча-мун-
ча нарсалик бўпқолдим. Чақа пул, танга пул, қоғоз 
пул... Қўйним туршак билан ёнғоққа тўлиб кетди.
Буниси яхши-ку, уканг бўлишининг ёмон томо-
ниям бор экан.
Ўмонлиги шуки, кечаси ухлаб ётганимда чақа-
лоқ «инга-инга» деб уйғотиб юборади. Ойим кўкрак 
тутмагунча овунмайди. Бундан ташқари, кундуз 
кунлариям ойим ҳовлида юмуш қилиб юрганида 
йиғлаб қолади.
– Укангга қара! – дейди ойим қўлини ювиш учун 
ошхонага югургилаб.
Укамга қараганим шу бўладики, бешикни теб-
ратаман. Бари бир минг тебратганим билан укам 
овунмайди. Оқариб кетган эски гаврапўшни кўта-
риб юзини очаман.
Ўша куни «қора аммам» чақалоқни «паҳлавон-
дек» деб мақтаганида укам камида дадамдек бўл-
са керак, деб ўйлаган эдим. Йўқ, кичкинагина. 
Ўзи кичкинаю овози баланд. Биттаям қоши йўқ. 
Гаврапўшни кўтаришим билан, митти кўзлари-

---

229
ни очиб, мени кўради-ю, овуниш ўрнига баттар 
йиғлайди. Оғзида тишиям йўқ. Ойим келиши би-
лан овуниб қолади. Кичкина бўлиб ойимни тани-
гани-чи!
Ойим бешикни секин-секин тебратади. Бешик 
муттасил ғирчиллайди.
Ойимнинг айтишига қараганда бу – менинг бе-
шигим экан. Эски бўлгани учун ғирчиллармиш. Бу-
гун «қора аммам» укамга янги бешик олиб келаркан.
Янги бешикни олиб келиш қизиқ бўларкан. «Қора 
аммам», Парча хола, яна уч-тўрт хотин безатилган 
бешикни кўтариб, эшикдан алла айтиб киришди.
Алла, болам, алла­ё алла!
Ширин қўзим, алла­ё алла!
Бағримдаги тойчоғим, алла!
Бешикдаги мунчоғим, алла!
Ўзиям, бешикмисан, бешик! Устига чўғдек қизил 
гаврапўш ёпилган, гаврапўш четларига чақалоқ-
нинг кўйлакчалари, иштончалари, укпар қадалган 
дўпписи чатиб қўйилган... Хотинлар алла айтиб, 
уйга йўл олишди. Абдували иккимиз эргашиб кир-
дик. Бирпасда меҳмондорчилик бошланди.
Ҳамма-ҳамма билан Парча хола шиннига нон 
ботириб ураяпти. Тахмон олдида Лазакат хола 
янги бешикка бошқатдан жой сола бошлади.
Аввал тувак-сумакларни қўйди. Кейин шил-
дир-шилдир қилаётган қовусни (биламан, чақа-
лоқнинг тўшакчаси, ичида тариқ пўсти бор) ёзди. 
Устидан оппоқ йўргак ташлади.
Аммам хокандозда тутаб турган исириқ кўтариб 
кирди. Ҳарсиллаб нафас олганча алланималар деб 
пичирлади, бешик атрофида хокандозни айлантир-
ди. Лазакат хола пиёланинг оғзича келадиган кулчани 
бешик бошига қўйди-да, устига ёстиқча ташлади.

---

230
– Ҳой, Робияхон-у?! – деди айвон томонга қараб. 
– Опкелинг!
Қарғашойи кўйлак кийиб, ясаниб олган ойим 
йўргакланган укамни кўтариб кирди.
Аммам укамни ойимнинг қўлидан олиб ўша то-
монга ўтаётган эди, Парча хола ўтирган жойида 
қўлини чўзди.
– Манга беринг! – деди дўриллаб. – Узатвораман!
– Йўқ-йўқ, худо хайрингни берсин! – деди Лазакат 
хола шоша-пиша қўл силтаб. – Чақалоқ бечора қўрқиб, 
шайтонлаб-нетиб юрмасин! Шиннингни ейвер!
Бир уй хотин кулиб юборишди. Айниқса, Парча 
холанинг ўзи кулганда уй ичи гулдираб кетгандек 
бўлди.
– Бу гапизам тўғри, опа! – деди каттакон кафти 
билан қалин лабига ёпишган шинни юқини артиб. 
– Мани қоронғида кўрса, котта одам қўрқади-ку!
Тағин қаҳқаҳа янгради. Аммам укамни Лаза-
кат холага авайлаб узатди. Лазакат хола чақалоқ-
ни кўрпачага ётқизиб, йўргагини ечди. Укамнинг 
чап оёғини авайлаб букиб, тиззасини ўнг қўлининг 
учига тегизди.
– Етдими? – деган эди, уй тўла хотинлар қий-
чув қилиб юборишди.
– Етди! Етди!
Лазакат хола энди укамнинг ўнг оёғини букиб, 
чап қўлининг учига тегизди.
– Етдими?
– Етди! Етди!
Боядан бери индамай ётган укамга бунақа қи-
лиқ ёқмади шекилли, йиғлаб юборди. Аммо хотин-
лар бемалол кулишар, остонада турган ойим ҳам 
мамнун жилмаяр эди.
– Вой, манов болани ширинлигини! – Парча хола 
дўриллаб, хитоб қилди. – Вой, жужуқларингдан 
айновний!

---

231
Тағин кулги кўтарилди.
– Туф де, кўзинг тегади!– Лазакат хола укамни 
аста кўтариб, негадир бешикка кўндаланг ётқиз-
моқчи бўлди.
– Қаёққа ётқизай! – деб сўради баланд овозда. – 
Шу ёққами?
Хотинлар чувиллашиб кетишди.
– Йўқ! Йўқ!
Лазакат хола энди укамнинг оёғини ёстиқ то-
монга айлантириб ётқизмоқчи бўлди.
– Бу ёққами!
Хотинлар кула-кула баттар чувиллашди.
– Йўқ! Йўқ!
Ие, Лазакат хола қанақа ўзи! Ёстиқ қаёқдали-
гини билмайдими? Укам йиғлаб ётибди-ку, булар 
кулади-я! Энди жаҳлим чиқиб турган эди, Лазакат 
хола ниҳоят чақалоқни қанақа ётқизиш керакли-
гини «тушунди». Укамни тўғри ётқизди.
– Бу ёққами?
– Ҳа! Ҳа! – Хотинлар қий-чув билан тасдиқлаш-
ди. – Шу ёққа!
Лазакат хола оёқ-қўлларини питирлатиб йиғла-
ётган укамни чаққонлик билан бешикка боғла-
ди-да, дуо қилди.
– Илоё умринг узоқ бўлсин. Бахтли бўлгин! 
Инсоф ли-товфиқли бўл. Меҳнаткаш бўл.
Қизиқ, укам бирпасда овуниб қолди.
– Ҳой, ким бор? – деди Лазакат хола ёнбошида 
турган тугунни ечиб.
Абдували шуни кутиб турган эканми, ўша то-
монга биринчи бўлиб отилди. Лазакат холанинг 
тугунидан қип-қизил, чиройли патир чиқди. Абду-
вали патирни тишлаганча ташқарига қочди.
– Ушла! Ушланглар! – хотинлар кула-кула Абду-
валини тутиб олмоқчи бўлгандек қўл узатди. Нима 

---

232
қилишимни билмай Абдувалининг кетидан мен 
ҳам ҳовлига отилдим.
Олма тагида тамаки тутатиб ўтирган дадам Аб-
дували иккаламизни имлаб чақирди.
– Ўртоқларинг билан бўлашиб енглар! – деди 
тайинлаб. – Омон ҳам сенларга ўхшаб чопқиллаб 
юрсин.
...Патирни ўртоқларимиз билан бўлашиб еган-
дан кейин ўйинга берилиб кетибмиз. Кунботар 
паллада уйга кирсам, хотинлар тарқаб бўпти. Бур-
чакда чўғдек гаврапўш ёпилган янги бешик олди-
да чўккалаган ойим укамга кўкрак тутяпти. Ам-
мам кавшандозда ўтириб маҳсисини кийяпти.
«Қора аммам»нинг одатини биламан. Маҳси 
кийдими, бўлди, уйига кетади.
– Кетманг! – дедим ялиниб. – «Қора амма», кет-
манг.
Ойим ярқ этиб биз томонга қаради. Аммамнинг 
йўлга отланиб қолгани унга ҳам ёқмаган шекилли, 
зардалироқ оҳангда гапирди:
– Ҳеч бўлмаса шу бугун қолинг, ойи! Борасиз-да, 
ўша уйингизга.
– Қўй, жон болам! – Аммам ойимга қараб гапи-
раркан, ўтирган жойида чўзилиб, менинг елкамга 
қоқди. – Бир ойдан бери шу ёққа қатнайвериб, чо-
лимниям чироғини ўчириб қўйдим.
Ойим аразлаб юзини ўгирди. Қаддини ростла-
моқчи эди, укам ҳали эмиб бўлмаган экан шекил-
ли, ғингшиб йиғлади. Аммам шоша-пиша яқин 
борди.
– Қимирлама! – деди ойимнинг елкасига қоқиб.
– Шу бугун қолинг ахир, – ойим астойдил ялинди.
Аммам хўрсинди:
– Биласанми, – деди маъюс оҳангда. – Шу кеча 
Кимсанни туш кўрибман. Безовта бўлиб юрибди. 
Бора қолай.

---

233
Негадир ойим сесканиб кетгандек бўлди. Укам 
чириллаб йиғлаётганига қарамай, гаврапўш усти-
ни ёпиб, дик этиб ўрнидан турди.
– Йўқ-йўқ! – деди аммам бош чайқаб. – Ўтира-
вер, болани эмиз.
Ойим қулоқ солмади. «Қора аммам»нинг тугуни-
ни кўтариб эшикка йўналди.
ЎН БИРИНЧИ БОБ