«Ijtimoiy menejment» fanining sillabusi

10.5.
 
IV Xalqaro sanoat yarmarkasi va koperatsion birja 
 Xalqaro sanoat yarmarkasi va Kooperatsiya birjasi (XSYaKB) tarixi
O‘zbekiston Respublikasi Prezidentining 12.11.2007 yildagi PF-3937-sonli 
―Ichki tarmoq va tarmoqlararo sanoat kooperatsiyasini yanada kuchaytirish 
to‘g‘risida‖gi farmoyishiga muvofiq tashkil etilgan Respublika sanoat yarmarkasi 
va Kooperatsiya birjasini o‘tkazishdan boshlanadi.
O‘zbekiston Respublikasidagi 
katta va kichik korxonalar o‘z mahsulotlarini nafaqat
umumrespublika miqyosida namoyish qilish, balki, shuningdek, ishlab chiqarishdagi
innovatsiyalar va yangiliklar, boshqa tarmoqlar va korxonalar erishayotgan 
yutuqlar, ishlab chiqarilayotgan materiallar, butlovchi qismlar
va h.k. uchun yaqin istiqboldagi talabni aniqlash imkoniyatiga ham ega bo‘lishdi.
Uzoq muddatli ishonchli sheriklarni topish, ishlab chiqarish ular bilan 
shartnomalar tuzish va o‘zi ishlab chiqargan mahsulotlarni sotish, keyingi yilga
buyurtmalar portfelini shakllantirish uchun yaxshi imkoniyat paydo bo‘ldi.
Yarmarkani o‘tkazishning birinchi yilida bunday kooperatsiya natijasida 
import o‘rnini bosuvchi mahsulotlarni yetkazib berish bo‘yicha umumiy qiymati 1 
trillion so‘mlik shartnomalar tuzildi. Bu shartnomalar korxonalarga tejab qolingan
erkin valyuta mablag‘larini respublikada ishlab chiqarilmaydigan yangi asbob-
uskunalar, texnologiyalar, materiallar va ishlab chiqarish-texnologik maqsadidagi
boshqa mahsulotlarni xorijdan sotib olishga sarflash imkonini berdi. Buning
natijasida erishilgan samaraning salmog‘i ikki baravarga oshdi.
2009 yilda 
Respublika sanoat yarmarkasi va Kooperatsiya birjasi vakolatlari sezilarli darajada 
oshirildi – unga xalqaro ko‘rgazma mavqei berildi. Ta‘kidlash joizki, xorijiy 
xaridorlarning ko‘rgazmadagi ishtiroki mahsulotlarga bo‘lgan talabni oshiradi, 
xorijiy hamkorlar bilan birga mahalliy xomashyo resurslarini qayta ishlash bo‘yicha
jarayonlarini tashkil qilish bilan bog‘liq potentsial imkoniyatlarni ro‘yobga 
chiqarish, sanoat kooperatsiyasini rivojlantirish va tovarlarni eksportga yo‘naltirish 
imkonini beradi.