60-modda. Haq to‘lanadigan jamoat ishlarini tashkil etish tartibi Buyurtmachilar-ish beruvchilar haq to‘lanadigan jamoat ishlarining zarur turlari va hajmlarini mahalliy mehnat organlari bilan birgalikda belgilaydi.
Buyurtmachilar-ish beruvchilar haq to‘lanadigan jamoat ishlarini tashkil etishga doir talabnomani mahalliy mehnat organlariga taqdim etadi.
Mahalliy mehnat organlari buyurtmachilar-ish beruvchilarning talabnomalarida ko‘rsatilgan ishchi kuchiga bo‘lgan talabni hisobga olgan holda, haq to‘lanadigan jamoat ishlariga jalb etiladigan ish qidirayotgan shaxslarni va ishsiz shaxslarning (bundan buyon matnda haq to‘lanadigan jamoat ishlariga jalb etiladigan shaxslar deb yuritiladi) ro‘yxatlarini shakllantiradi.
O‘zbekiston Respublikasi Bandlik va mehnat munosabatlari vazirligi huzuridagi Jamoat ishlari jamg‘armasi haq to‘lanadigan jamoat ishlari bajarilishini mahalliy mehnat organlarining umumlashtirilgan talabnomalari asosida moliyalashtiradi.
Mahalliy mehnat organlari haq to‘lanadigan jamoat ishlariga jalb etiladigan shaxslarning ro‘yxatini ilova qilgan holda buyurtmachilar-ish beruvchilar bilan shartnomalar tuzadi.
Mahalliy mehnat organlari buyurtmachi-ish beruvchi bilan shartnoma tuzganidan so‘ng haq to‘lanadigan jamoat ishlariga jalb etiladigan shaxslarga haq to‘lanadigan jamoat ishlari uchun yo‘llanma beradi.
Oldingi tahrirga qarang. Buyurtmachi-ish beruvchi haq to‘lanadigan jamoat ishlarini amalga oshirish vaqtida mehnatni muhofaza qilishga doir lozim darajadagi shart-sharoitlarni qonunchilikka muvofiq ta’minlaydi.
(60-moddaning yettinchi qismi O‘zbekiston Respublikasining 2021-yil 21-apreldagi O‘RQ-683-sonli Qonuni tahririda — Qonunchilik ma’lumotlari milliy bazasi, 21.04.2021-y., 03/21/683/0375-son) Haq to‘lanadigan jamoat ishlariga jalb etiladigan shaxslarga ish haqi to‘g‘ri hisoblanishi va bajarilgan jamoat ishlarining haqiqiy hajmlari to‘g‘ri hisobga olinishi uchun, shuningdek O‘zbekiston Respublikasi Bandlik va mehnat munosabatlari vazirligi huzuridagi Jamoat ishlari jamg‘armasining haq to‘lanadigan jamoat ishlariga haq to‘lash bo‘yicha xarajatlarning o‘rnini qoplash uchun yo‘naltirilgan mablag‘laridan maqsadli foydalanilishi yuzasidan javobgarlik buyurtmachi-ish beruvchining zimmasiga yuklatiladi.
Oldingi tahrirga qarang. Mahalliy mehnat organlari haq to‘lanadigan jamoat ishlarini amalga oshirish monitoringini bir oyda bir marta joyning o‘ziga chiqib o‘rganish orqali o‘tkazadi va tegishli monitoring dalolatnomasini rasmiylashtiradi. Haq to‘lanadigan jamoat ishlarini o‘tkazish tartibi buzilganligi faktlari aniqlangan taqdirda dalolatnoma rasmiylashtiriladi va qonunchilikda nazarda tutilgan tegishli chora-tadbirlar ko‘riladi.
(60-moddaning to‘qqizinchi qismi O‘zbekiston Respublikasining 2021-yil 21-apreldagi O‘RQ-683-sonli Qonuni tahririda — Qonunchilik ma’lumotlari milliy bazasi, 21.04.2021-y., 03/21/683/0375-son) Buyurtmachi-ish beruvchi har oyda mahalliy mehnat organlariga haq to‘lanadigan jamoat ishlari tashkil etilganligini va ushbu ishlar hajmi bajarilganligini, ishlangan vaqt hisobini va haq to‘lanadigan jamoat ishlariga jalb etiladigan shaxslarga ish haqi hisoblanganligini tasdiqlovchi hujjatlarni taqdim etadi.
Mahalliy mehnat organlari tasdiqlovchi hujjatlarni olganidan keyin haq to‘lanadigan jamoat ishlariga jalb etiladigan shaxslarning mehnatiga haq to‘lash bo‘yicha o‘rni qoplanadigan summani to‘lashga oid to‘lov hujjatlarini har oyda O‘zbekiston Respublikasi Moliya vazirligi G‘aznachiligining tegishli bo‘linmalariga yuboradi.
Oldingi tahrirga qarang. Buyurtmachi-ish beruvchi haq to‘lanadigan jamoat ishlariga jalb etiladigan shaxslar bilan qonunchilikda belgilangan tartibda mehnat shartnomasi tuzadi. Ixtiyoriy asosda brigadalarga birlashgan shaxslar kompleks yoki ayrim turdagi haq to‘lanadigan jamoat ishlarini bajargan taqdirda shartnomada taraflarning majburiyatlari, ishlarning bajarilish hajmlari va muddatlari, mehnatni tashkil etish hamda unga haq to‘lash shakllari nazarda tutiladi.
(60-moddaning o‘n ikkinchi qismi O‘zbekiston Respublikasining 2021-yil 21-apreldagi O‘RQ-683-sonli Qonuni tahririda — Qonunchilik ma’lumotlari milliy bazasi, 21.04.2021-y., 03/21/683/0375-son) Haq to‘lanadigan jamoat ishlarida ishtirok etish vaqti mehnat stajiga kiritiladi.
Haq to‘lanadigan jamoat ishlariga jalb etiladigan shaxslarning pensiya ta’minoti olish va ularga vaqtinchalik mehnatga qobiliyatsizlik bo‘yicha nafaqa to‘lash huquqi saqlanib qoladi.
Mahalliy mehnat organlari haq to‘lanadigan jamoat ishlarini tashkil etish uchun buyurtmachilar-ish beruvchilarga O‘zbekiston Respublikasi Bandlik va mehnat munosabatlari vazirligi huzuridagi Jamoat ishlari jamg‘armasining mablag‘lari hisobidan olingan asosiy vositalar, mayda asbob-uskunalar va anjomlarni ijaraga berishni amalga oshiradi.
