Ijtimoiy-madaniy faoliyat va musiqa ta’limi

Liberal uslubda rahbariyat deyarli umuman jamoa ishiga aralashmaydi. Ishchilarga to'la mustaqillik beradi, individual va jamoaviy ijodga yo'l qo'yadi. Bunday rahbar ishchilar bilan doim muloyim, qabul qilingan qarorlardan tez qaytishi mumkin. Liberallar tashabbus ko'rsata olmaydi. Ular asosan iltimos va undash bilan ish taqsimlaydilar. Boshqaruv funksiyasini bajarish- da passiv, oqim bo'yicha suzadi desa ham bo'ladi. Liberal mene­jer kelishmovchiliklardan qo'rqadi, asosan ishchilar fikriga qo'shiladi.
Muomaladagi odamlar bilan yumshoqliligi unga real obro'ga ega bo'lishiga xalaqit beradi. Bir xodimlar undan ularga yon bosishni talab qiladi. Natijada oshna-og'aynilik bo'lishi mumkin. Bu esa rahbar bilan ishchi o'rtasidagi «masofa»ni yo'qolishiga olib keladi. Oxir-oqibat liberal uslubdagi rahbar hech ham tashkiliylik qobiliyatini ko'rsatmaydi. Ishchilar faoliyatini sust nazorat qiladi, uning boshqaruv faoliyati samarasiz.
Aralashmaslik uslubi — aralashmaslik uslubiga rioya qiluvchi rahbar maslahatchi tarzida o'rin egallaydi, o'zi ishchilarning g'oyalarini hayotga tadbiq etish bilan shug'ullanadi. O'z fikr va qarashlarini faqat so'ralsagina aytadi. Bunday yondashuv jamoa a'zolarini ijodiy o'zini ko'rsatishini qo'llab-quvvatlaydi.
Oxir-oqibat hamma narsa boshqaruv qarorini qabul qilish texnologiyasiga olib keladi, xususan menejer:

1. 
   Yakka o'zi qaror qabul qilib va uni bayon qiladi («haqiqiy avtokrat»).
   
2. 
   Qarorni «singdiradi».
   
3. 
   O'z g'oyalarini, fikrlarni bayon etadi va savol berishni taklif qiladi.
   
4. 
   Tekshiruv qarorini taklif etadi.
   
5. 
   Muammo mazmunini yoritadi, farmoish beradi, tak- liflarni baholaydi, qaror qabul qiladi («haqiqiy»).
   
6. 
   Cheklovlarni belgilaydi va xodimlardan qaror qabul qi- lishni so'raydi.
   
7. 
   Ishchilarni cheklovlarsiz harakat qilishga ruxsat beradi (haqiqiy aralashmaslik uslubi).
   

Shuni aytish kerakki, har bir yuqoridagi uslublar o'z holicha juda kam hollarda uchraydi. Rahbarni egiluvchanligi ham shun- dadir, ya'ni har bir uslubning afzal taraflarini zarur hollarda qo'llanishidir.

Nazorat savollari:

1. Menejer va rahbarlik uslubi haqida nimalar bilasiz?
2. Shaxsiy va ishga doir sifatlar qanday?
3. Menejer vazifalarini aytib bering?
4. Rahbarlik xislatlari qanday?