Ijtimoiy-iqtisodiyot

VI.Bitiruv malakaviy ishining amaliyot bilan bog‘liqligi 

 

Talabaning  mustaqil  bitiruv  malakaviy  ishiga  qo‘yiladigan  talablardan 

biri  mavzu  bo‘yicha  tashkilot  va  korxonalarning  faoliyatlari  o‘z  aksini  topgan  

ma’lumotlarini  yig‘ish  va  uni  tahlil  etib,  bitiruv  malakaviy  ishining  amaliyot  bilan 

bog‘liqligini  yoritishdir.  Ma’lumki,  sanoat  korxonasi,  qishloq  xo‘jaligi  va  pulli 

xizmat  ko‘rsatish  sohalariga  dahli  bo‘lgan  bir  necha  yillik  ma’lumotlar 

makroiqtisodiyot  va  statistika  organlari  chop  etadigan  yillik  kitoblarda  hamda 

korxona  xisobotlarida  o‘z  aksini  topgan  bo‘ladi.  SHuningdek  o‘rganilayotgan 

amaliyot  ma’lumotlari  kamida  besh  yillikni  qamrab  olgan  bo‘lishi  lozim.  Amaliyot 

muammolarini  o‘rganish  va  ularni  to‘plash  bajarilayotgan  bitiruv  malakaviy  ishi 

yuzasidan  o‘rganilayotgan  masalalarning  hozirgi  xolatini  aks  ettirish,  ularni 

takomillashtirish  yo‘llarini  hamda  mavjud  muammolarni  bartaraf  etish  chora 

tadbirlarini  aniqlash  imkoniyatini  yaratadi.  Ba’zi  hollarda  zaruriyatdan  kelib 

chiqqan  tarzda  kerakli  ma’lumotlarni  to‘plash  maqsadida  maxsus  kuzatuv  ishlari 

ham  amalga  oshiriladi.  Amaliyot  ma’lumotlarini  o‘rganish  natijasida  olingan 

raqamli  ma’lumotlar  jadval  ko‘rinishida  tartibga  solinib,  umumlashtiriladi  hamda 

ulardan  iqtisodiy  tahlillarni  amalga  oshirishda  va  xulosa,    takliflarni  bayon  etishda 

keng foydalaniladi. 

Bitiruv  malakaviy  ishini  bajaruvchi  talabaga  tanlangan  mavzuga  mos 

mavjud  uslubiy  ko‘rsatmalar  va  ko‘rgazmalar,  nizomlar,  har  xil  normativlar  va 

tashkilot  korxonalarining  ma’lumotlari  bilan  tanishib  chiqish  zarurati  tug‘iladi. 

---

 

10 

 

Mavzuga  oid  to‘plangan  ma’lumotlar  bitiruv  malakaviy  ishi  yozish  va  uni 

rasmiylashtirish  uchun hal  qiluvchi  bosqichlardan biri hisoblanadi.