“ijtimoiy fanlar” kafedrasi

6-mavzu. Fuqarolik huquqiy munosabat obyektlari.

Reja:

1. 
   Fuqarolik huquqi obyektlari tushunchasi va turlari
   
2. 
   Ashyolar fuqarolik huquqining obyekti sifatida
   
3. 
   Mol-mulklar fuqarolik huquqining obyekti sifatida
   
4. 
   Pullar va qimmatli qog`ozlar – fuqarolik huquqining obyekti sifatida
   
5. 
   Nomoddiy ne'matlar tushunchasi va tarkibi
   
6. 
   Intellektual faoliyat natijalari, xizmat va tijorat siri – fuqarolik huquqining obyekti sifatida
   
7. 
   Ishlar va xizmatlar - fuqarolik huquqining obyekti sifatida.
   

1.Fuqarolik huquqi obyektlari tushunchasi va turlari

Huquqiy munosabatlarning obyekti huquq subyektlarining harakatlari qaratilgan, huquq va majburiyatlar uning ustida belgilangan narsalardir. O`zbekiston Respublikasi FKning 81-moddasiga asosan fuqarolik huquqlarining obyektlari jumlasiga:

–ashyolar;

–mol-mulklar;

–pullar va qimmatli qog`ozlar;

–ishlar va xizmatlar;

–intellektual faoliyat natijalari;

–shaxsiy nomulkiy huquqlar kiradi.

Umumiy holda, fuqarolik huquqining obyektlarini ikki turga, ya'ni moddiy va nomoddiy ne'matlarga bo`lish mumkin.

Boshqacha aytganda, jismoniy va yuridik shaxslar foydalanishi va tasarruf etishini amalga oshira oladigan, erkin suratda olish, sotish huquqi va odob-axloq normalari bilan cheklanmagan yoki ta'qiqlanmagan har qanday moddiy narsalar va moddiy qiy-matliklar qadriyatlar boylik hisoblanib, fuqarolik huquqining obyekti bo`la oladi.