“ijtimoiy fanlar” kafedrasi

NIKOH TUZISHNING IXTIYORIYLIGI – nikohlanuvchi shaxslarning o‘zga shaxslar tomonidan majbur etilmasdan oila qurish uchun erkin, tenglik va o‘zaro ixtiyoriylik asosida nikohni rasmiylashtirishlari.

NIKOH SHARTNOMASI – nikohlanuvchi shaxslarning yoki er va xotinning nikohda bo‘lgan davrida va (yoki) er va xotin nikohdan ajratilgan taqdirda ularning mulkiy huquq hamda majburiyatlarini belgilovchi kelishuvi.

NIKOHDAN AJRALISH – er-xotin o‘rtasidagi huquqiy munosabatlarning kelajak vaqt uchun tugatilishi.

NIKOHNING Tugatilishi – ma’lum yuridik faktlar tufayli er-xotin o‘rtasida vujudga kelgan nikoh huquqiy munosabatlarining tugallanishi.

NEGATOR DA'VO – mulkdorning mulkiy huquqini uning ashyoga egalik qilishdan mahrum qilish bilan bog'liq bo'lmagan buzulishliklardan himoya qilishga yo'naltirilgan. Bu da'vo mulkdorga uning mol-mulkidan foydalanishga halaqit beruvchi to'siqlarni bartaraf qiladi

NEUSTOYKA – O'zR FK 260-263-moddalarida qonun xujjatari yoki shartnoma bilan belgilangan, qarzdor majburiyatini bajarmagan yoki lozim darajada bajarmagan taqdirda kreditorga to'lash shart bo'lgan pul summasi neustoyka hisoblanadi. Neustoyka to'lash haqidagi talabbo'yicha kreditor o'ziga yetkazilgan zararni isbotlashga majbur emas. Neustoyka bilan faqat haqiqiy talab ta'minlanadi

NIZOM, USTAV- yuridik shaxsning faoliyati uchun yuridik axamiyatga ega bulgan koidalari to'g'risidagi asosiy qonuni.

OFERTA – (lot. Offertus-tavsiya qilingan) – bir yoki bir necha muayyan shaxsga yuborilgan, yetarli darajada aniq bo'lgan va taklifni kiritgan shaxsning o'zini taklif yo'llagan va uni qabul qilgan shaxs bilan shartnoma tuzgan deb hisoblash niyatini ifoda etgan taklifdir

OILA - bu nikoh, er-xotinlik, farzandlar, ota-onalar hamda o‘zaro qarindosh, qondosh, qarindosh bo‘lgan shaxslarning umumiy ro‘zg‘or, umumiy xo‘jalik yuritish hamda oiladagi maishiy-madaniy ishlarni g‘amxo‘rlik, o‘zaro hurmat, hamjihatlik asoslarida yurituvchi shaxslar guruhi, ittifoq, xonadon hisoblanadi.

PATENT texnik yechim yoki ixtironing davlat tomonidan eʼtirof etilganligini va ixtirochining oʻz ixtirosiga olgan mutlaq huquqini tasdiqlovchi hujjat.

SHARTNOMA — fuqarolik huquqida ikki yoki bir necha shaxsning fuqarolik huquq va burchlarini vujudga keltirish, burchlarini oʻzgartirish yoki bekor qilish haqidagi kelishuvi, bitimniig turi.

VAKILLIK — bir shaxsning boshqa shaxs nomidan yuridik harakatlarni amalga oshirishi.

VAKOLATNOMA — muayyan muassasa yoki ayrim shaxs oʻz nomidan ish koʻrish uchun ikkinchi bir shaxsga ishonch bildiradigan yozma vakolatli hujjat.

VASIYLIK – o‘n to‘rt yoshga to‘lmagan yetim bolalarni va ota-onasining qaramog‘idan mahrum bo‘lgan bolalarni, shuningdek, sud tomonidan muomalaga layoqatsiz deb topilgan fuqarolarni ularga ta’minot, tarbiya va ta’lim berish, ularning mulkiy va shaxsiy nomulkiy huquqlari va qonuniy manfaatlarini himoya qilish maqsadida joylashtirishning huquqiy shakli.