Ижтимоий-маданий масалалар / Фан ва илмий фаолият]

Ўзбекистон Республикаси Президенти Ш. МИРЗИЁЕВ
Тошкент ш.,
2020 йил 7 май,
ПҚ-4708-сон
Ўзбекистон Республикаси Президентининг 2020 йил 7 майдаги ПҚ-4708-сон қарорига
1-ИЛОВА
2020 — 2023 йилларда Ўзбекистон Республикасида математика фанлари бўйича таълим сифатини яхшилаш, илмий-тадқиқотларнинг натижадорлиги ва амалий аҳамиятини оширишнинг
МАҚСАДЛИ ДАСТУРИ

Т/р	Тадбир номи	Амалга ошириш механизми	Ижро муддати	Масъул ижрочилар
I. Мактабгача таълим муассасаларида элементар математика асосларини ўқитиш сифатини ошириш
Бунда, мактабгача таълим ташкилотларида таълимнинг элементар математика асосларини ўқитиш, тарбияланувчиларда илк математик тасаввурни такллантириш бўйича тизимли ва кенг қамровли ишларни амалга ошириш учун Ўзбекистон Республикаси мактабгача таълим вазири А.В. Шин шахсан масъул этиб ҳисобланади.
1.	Мактабгача таълим ташкилотлари тарбияланувчиларида уларнинг ёшига мувофиқ илк математик тасаввурларни шакллантириш.	1. Болаларнинг элементар математика тўғрисидаги тасаввурларини ривожлантириш бўйича илғор хорижий тажрибаларни ўрганиш. 2. Ўрганилган хорижий тажриба асосида элементар математика бўйича мактабгача ва бошланғич таълим ўқув дастурлари ва ўқув-методик қўлланмасини ишлаб чиқиш ҳамда уларни ўзаро мувофиқлаштириш. 3. Ўқув-методик мажмуа асосида болаларнинг элементар математика тасаввурларини ривожлантириш бўйича машғулотларни таянч мактабгача таълим муассасаларида тажриба синов тариқасида ўтказиш. 4. Тажриба синов натижалари бўйича «Илк қадам» давлат ўқув дастури асосида элементар математика бўйича ўқув дастурини ва ўқув-методик қўлланма ишлаб чиқиш. 5. Элементар математика бўйича замонавий ўқув дидактик, кўргазмали ва тарқатма материаллар, дидактик ўйинлар, электрон таълим ресурсларини ишлаб чиқиш. 6. Элементар математика бўйича ўқув дастури ва ўқув-методик қўлланма асосида барча мактабгача таълим ташкилотларида таълим жараёнини ташкил қилиш. 7. «Илк қадам» ва «Илм йўли» ўқув дастурлари доирасида элементар математика бўйича онлайн-машғулотлар базасини яратиш ва оммалаштириш. 8. Мактабгача таълим тизимидаги малака ошириш курсларида машғулот олиб борувчи ўқитувчиларга болаларнинг элементар математика бўйича замонавий педагогик технологияларни ўргатиш.	2021 йил 1 октябрь 2022 йил 1 июль 2022 йил 1 сентябрь 2023 йил 1 май 2023 йил 1 август 2023 йил 1 сентябрь 2023 йил 1 декабрь 2023 йил сентябрдан бошлаб	Мактабгача таълим вазирлиги (Шин), Халқ таълими вазирлиги (Шерматов)