Iii-kurs V- semestr

a) Oilada otalikka qarashlar.
Ota - ma'naviy tayanch, oila boshlig’i. Oddiy kunlarda va hayotning og’ir daqiqalarida ota oila oldida javobgar. Ota - ahloqiy, yuridik, jismoniy jihatdan oila posboni, qiyinchiliklarda uning qattiqqo’lligi ota oilaning ma'naviy va ruhiy-ahloqiy holatiga javobgardir.
O’zbekistonda otalik tarixi: qadimdan o’zbek oilasida otalar eng xurmatga sazovor oila a'zosi hisoblangan. Oilada otaning o’z joyi va so’zi bo’lgan. Otalarning o’g’il bolalar tarbiyasiga javobgarligi katta edi. Otalar mehnati doim oila a'zolari e'tiborida bo’lgan va oilada o’z obro’sini oshirgan. Ota oila boshlig’i bo’lib, u muhim qarorlar qabul qilgan, maslahat bergan, oilada rahbarlik qilgan, chunki u oilada hammadan ko’ra aqlli, tajribali va bilimdon bo’lgan.
Avvallari, otalar o’z mexrini bolaga ko’rsata olmagan, ota o’g’lini qo’lini ushlab aylanib yurganini ko’rmas edik, ko’pincha ular yonma-yon yurardi, xattoki
so’zlashmasdi ham, huddi ota bolani kuzatib borayotgandek. Bugungi kunda otalik mehri o’zgargan, ota yashirmasdan muhabbat tuyg’usini bolaga namoyish etadi va ayolga bola tarbiyasida yordam beradi.
b) Bola tarbiyasida otaning roli.
Oilada va bola tarbiyasida otaning roli - Otalar ko’pincha chaqaloq parvarishida qatnashmagan, faol munosabat 1,5 - 2 yoshdan boshlangan. Ammo ilmiy tajribalar shuni ko’rsatadiki, ruhiy tayyorlangan otalar bajonu dil, zavq bilan chaqaloqlarga qaraydilar, ular bolalarni ko’targanda rohatlanadilar va bola parvarishida ayollarga bo’sh kelmaydilar. Bu, o’z yo’lida, otaning bolaga nisbatan emotsional yaqinlashuviga imkoniyat beradi.
Ota bola parvarishiga qanchalik vaqtli kirishsa, shunchalik ota mexri unda kuchliroq rivojlanadi.
c) Jamiyatda otaning o’rni
Otaning jamiyatdagi o’rni - bu eng zarur burch bo’lib, bolalar farovonligini ta'minlaydi va jamiyatning kelajagini mustaxkamlaydi. Birinchidan, u jismoniy jihatdan bolani himoyalaydi, ikkinchidan - u bolaga moliyaviy va moddiy manbalarni beradi, uchinchidan - u bolaga madaniy qadriyatlarni yetkazib beradi.
Ota bolalariga o’rnak bo’ladi - otaning shaxsiy hususiyatlari, ayniqsa bolalarga mexri, bolaning to’g’ri rivojlanishiga katta ta'sir ko’rsatadi. Ota bilan birgalikda berilgan ijobiy emotsional-ruhiy holat, yolg’iz ona tarbiyasidan samaraliroqdir. Ota mexri farzandlariga erkak kishining bolalarga, ayoliga va atrofdagilarga muhabbat ko’rsatishini o’rgatadi.

•