Ii. Технологик қисм

Катион бўёвчи моддалар. Катион бўёвчи моддалар полиакриланитрил (нитрон) толасини бўяш учун қўлланилади. Умумий кўринишда Кр ≡ N⁺C1^- деб ёзиш мумкин. Нитрон толасини бўяшда ранг равонлигига бўяш тезлиги, мущит ва температурани бошқариш орқали эришиш мумкин. Катион бўёвчи моддалар нитрон толасида ёрқин, мустахкам ва деярли барча ранглар гаммасини хосил қилиши мумкин. Лекин унинг асосий камчилиги бўёвчи модданинг толага мойиллигини юқорилигидадир. Юқори мойиллик равон ранг олиш имконини қийинлаштиради.
_{+ +}
ПАН-СОО^-+Кр ≡ N---→ ПАН-СОО^- ∙ N ≡ Кр.
Бу муаммони хал қилишда қуйидаги омиллар қўлланилади: катион ёки анион типидаги ранг равонлатгичлар (САМ), электрорлит, маълум мухит рНи, бўяш хароратини маълум вақт бирлигида босқичма-босқич кўтариш.
Эритмада катионли равонлатгич САМ бўёвчи катиони билан бир қаторда толанинг манфий зарядли актив марказлари томон харакатланади ва бўёвчига нисбатан ўлчами кичик бўлиб харакатчанроқ бўлгани сабабли толага ионли боғланади. Лекин катион бўёвчи моддаларнинг толага мойиллиги юқори бўлганлиги сабабли, равонлатгичларни тола актив марказларидан сиқиб чиқариб, уларнинг ўрнини эгаллайди. Бўяш жараёни бироз секинлашади, натижада ранг равонлиги кўтарилади.
Анионактив равонлатгичлар эса катион бўёвчилар билан беқарор комплекслар хосил қилади, натижада эритмада вақтинча бўёвчи концентрацияси пасаяди. Беқарор комплекслар парчаланиб, бўёвчи модда толага сорбланади. Электролитлар хам худди ранг равонлатгич САМ лар каби таъсир этади: электролит катиони толанинг юзавий зарядини, аниони эса катион бўёвчи модданинг зарядини нейтраллайди, натижада бўёвчининг толага ўта тез ва норавон сорбланишининг олди олинади.
Бўяш мухитини рН 4,5-5,5 бўлганда олиб борилиши хам ранг равонлигига ижобий таъсир қилади, чунки бундай шароитда тола ва бўёвчининг диссоциланиш тезлиги пастроқ бўлади. Катион бўёвчи моддалар билан равон ранг хосил қилиш муаммосини хал қилиш мақсадида мураккаб босқичли программалар ишлатилади. Бунда температурани босқичма-босқич маълум вақт бирлигида кўтариш ва мухит рН ини керакли даражада ушлаб турувчи автоматик системалар ишлатилади.
Толага бўёвчи модда ион боғланиш ва молекулалараро кучланишлар орқали бирикади. 100⁰С щароратдан юқори бўлмаган шароитда бўяш жараёни олиб борилади.