Ii боб. Счётларнинг боғланиши VI қисм. Балансдан ташқари счётлар

II БОБ. СЧЁТЛАРНИНГ БОҒЛАНИШИ
VI қисм. Балансдан ташқари счётлар

001 "Оператив ижарага олинган асосий воситалар" счёти

002 "Масъул сақлашга қабул қилинган
товар-моддий қийматликлар" счёти
003 "Қайта ишловга қабул қилинган материаллар" счёти
004 "Комиссияга қабул қилинган товарлар" счёти
005 "Ўрнатиш учун қабул қилинган ускуналар" счёти
006 "Қатъий ҳисобот варақлари" счёти
007 "Тўлашга қобилиятсиз дебиторларнинг зарарга
ўтказилиб ҳисобдан чиқарилган қарзи" счёти
008 "Мажбуриятлар ва тўловларни таъминлаш - олинган" счёти
009 "Мажбуриятлар ва тўловларни таъминлаш - берилган" счёти
010 "Молиявий ижара шартномаси бўйича
берилган асосий воситалар" счёти
011 "Ссуда шартномаси бўйича олинган мулк" счёти
012 "Келгуси даврларда солиқ солинадиган
базадан чиқариладиган харажатлар" счёти
013 "Вақтинчалик солиқ имтиёзлари (турлари бўйича)" счёти
014 "Фойдаланишдаги инвентарь ва хўжалик жиҳозлари" счёти
Балансдан ташқари счётлар корхонага тегишли бўлмаган, лекин вақтинчалик фойдаланилаётган ёки ихтиёрида бўлган (қисқа муддатли ижарага олинган асосий воситалар, масъул сақлашга ва қайта ишловга қабул қилинган моддий қийматликлар ва бошқа) мавжуд қийматликлар, шартли ҳуқуқ ва мажбуриятларнинг мавжудлиги ва ҳаракати тўғрисидаги ахборотни умумлаштириш, шунингдек алоҳида хўжалик операциялари устидан назорат қилиш учун мўлжалланган.
Келтирилган қийматликларнинг бухгалтерия ҳисоби оддий тизим бўйича, яъни икки тарафлама ёзувни қўлламаган ҳолда юритилади. Балансдан ташқари счётлар бошқа счётлар билан боғланмайди, улар ёхуд дебетланади, ёхуд кредитланади.
001 "Оператив ижарага олинган асосий воситалар" счёти

001 "Оператив ижарага олинган асосий воситалар" счёти корхона томонидан оператив ижарага олинган асосий воситаларнинг мавжудлиги ва ҳаракати тўғрисидаги ахборотни умумлаштириш учун мўлжалланган.

Ижарага олинган асосий воситалар мазкур счётда ижара шартномасида кўрсатилган баҳода ҳисобга олинади.
Таҳлилий ҳисоб ижарага берувчилар бўйича ва ҳар бир ижарага олинган асосий воситалар объектлари (ижарага берувчининг инвентарь рақамлари) бўйича юритилади.