Ii боб. Интродуцент доривор ўсимликларнинг табиий ва интродукция қилинган районларнинг тупроқ-иқлим шароити ва ўсимликлар дунёсининг таҳлили

Илмий тажрибалар ўтказилган майдоннинг тавсифи. Тажрибалар олиб борилган майдон Бухоро воҳасининг жануби-шарқий қисмида бўлиб, Когон шаҳридан 17 км шимолда, Қизилтепа шаҳридан 12 км жануби-ғарбда ва Зарафшон дарёсидан жанубга томон жойлашган. Тажрибалар майдонидан жанубга томон 4 км узоқликда Тўдакўл ва Қуйимозор сув омборлари жойлашган бўлиб, бу сув омборлари Ўрта чўл текислиги (массив) нинг бошланиш жойи ҳисобланади.
Майдон тўрт томондан очиқ зовурлар билан ўралган бўлиб, 20-25 йил давомида фақат ғўза экилади ва унинг ҳосилдорлиги 15-17 ц/га ни ташкил этади (собиқ Варозун жамоа хўжалигидан олинган маълумотлар).
Тажрибалар учун танланган майдоннинг тупроқ шўрланишининг даражаси ўрта ёки кучли шўрланишни ташкил этади. Тупроқнинг илдиз озиқланадиган қатламида (0-30 см) сувда эрувчан тузларнинг зич қолдиғи 1,93-1,33%, 0-50 см қатламда эса, ўртача зич қолдиқ 1,53% ва шу ҳисобдан хлор (Cl) -0,061%, SO4 -0,927%, Ca -0,261%, Mg-0,061%, Na-0,080%, ишқор (HCO3) -0,026% ни ташкил этди (2.2 - жадвал).
2.2 - жадвал
Бухоро воҳасида, тажриба ўтказилган майдонларда тупроқ агрокимёвий тар-кибининг дастлабки ҳолати (тупроқнинг қуруқ оғирлигига нисбатан, сувда эрувчан тузларнинг зич қолдиғи, % ).

Горизонт,см	СО3¢¢	НСО¢3	Cl¢	SO¢¢4	Mg¢¢	Ca¢¢	Na¢+K¢	Зич қолдиқ
0-10	Йўқ	0,025	0,142	1,088	0,088	0,268	0,146	1,925
10-20	-	0,025	0,049	0,990	0,058	0,273	0,093	1,615
20-30	-	0,027	0,040	0,915	0,057	0,260	0,069	1,480
30-50	-	0,028	0,038	0,820	0,051	0,252	0,045	1,325
0-50	-	0,026	0,061	0,927	0,061	0,261	0,080	1,534