Ichki ishlar idoralari xodimlarining

Axloqiy-kasbiy buzilishning oldini olishda qo‘llaniladigan maxsus tadbirlar. Ichki ishlar idoralari xodimlari axloqiy-kasbiy buzilishlarining oldini olishga qaratilgan mazkur harakatlardan boshqa aniq chora-tadbirlar ham mavjud. Ular quyidagilardan iborat:
1. Professional faoliyatni tashkil etish sohasida:

• 
  har bir xodimni tanlab olishda va ishga tayinlashda ularning qiziqishlarini inobatga olish;
  
• 
  xodimlarga aniq vazifalar, topshiriqlar berish, ularning bajarilishi uchun barcha chora-tadbirlarni ko‘rish;
  
• 
  avval sudlangan odamlar bilan muntazam ravishda yakka tartibda tarbiyaviy ishlar olib borish;
  
• 
  xodimlarga fuqarolar bilan muomala qilish madaniyatini, ruhiy aloqa o‘rnatish mahoratini o‘rgatish;
  
• 
  xizmat vazifasini bajarishda ishga ijodiy yondashuvchi, chigal
  

masalalarning yechimini tezlikda topuvchi, muammolarni hal qilishda ilm- fan yutuqlarini o‘rganib, ulardan unumli foydalanuvchi xodimlarni taqdirlash, izzat-hurmatini joyiga qo‘yish;

• 
  qo‘l ostidagilarni o‘z ishini o‘zi tahlil qilishga, o‘zini o‘zi nazorat qilishga o‘rgatish;
  
• 
  xodimlar bo‘sh vaqtlaridan samarali foydalanishlari, oilasi tinch, hayoti sermazmun bo‘lishi uchun ular haqida tinmay g‘amxo‘rlik qilish;
  
• 
  o‘zgalarga ruhiy ta’sir o‘tkazish usullarini amalda qo‘llashni o‘rgatish va operativ qidiruv organi xodimini janjalli va qo‘rqinchli holatlarda ishlashga ruhiy jihatdan tayyorlash ishlarini amalga oshirish;
  
• 
  jismonan chiniqtirish va chidamliligini oshirish. 2.Tarbiyaviy ishlarni amalga oshirish sohasida:
  
• 
  xodimlarda ilmiy dunyoqarash, axloqiy-huquqiy e’tiqod, g‘oyaviy- siyosiy madaniyat va irodaviy xislatlarni, qisqacha aytganda, milliy istiqlol mafkurasini shakllantirish;
  
• 
  ularni tanqid va o‘z-o‘zini tanqid ruhida tarbiyalash;
  
• 
  iroda va xarakter kuchini chiniqtirish;
  
• 
  jinoyatchilar dunyosining ta’siriga qarshi tura olish qobiliyatini hosil qilish;
  
• 
  xizmatda va turmushda shaxsiy namuna orqali ta’sir ko‘rsatish;
  
• 
  tarbiyalash jarayonida o‘rgatish va majburlash, rag‘batlantirish va jazolash usul va vositalaridan unumli foydalanish;
  
• 
  jamoada sog‘lom ruhiy muhitni vujudga keltirish;
  
• 
  qo‘l ostidagilarning yashash sharoitlari, dam olishini yaxshilash borasida g‘amxo‘rlik qilish;
  
• 
  tarbiyaning barcha turlarini, usul va vositalarini, prinsiplarini birga qo‘shib olib borish, ayniqsa, huquqiy va axloqiy tarbiyaning uzviy birligiga asosiy e’tiborni qaratish;
  
• 
  xalqimizning asrlar osha yashab kelgan an’analari, urf-odatlari va tili bilan bog‘liq qadriyatlardan tarbiya jarayonida milliy g‘ururni o‘stirish va milliy ongni shakllantirishda unumli foydalanish.
  

3. Jinoyat qidiruv bo‘linmasi xodimlarining axloqiy-ruhiy muhitini shakllantirish sohasida:

• 
  yangi xizmatga kelgan xodimlarning va yosh mutaxassislarning ishga ko‘nikishlarini tezlashtirish uchun zarur sharoitlar yaratib berish;
  
• 
  qo‘l ostidagilar to‘g‘risida ijtimoiy-ruhiy ma’nodagi ma’lumotlarni
  

muntazam ravishda to‘plab borish, ya’ni ular to‘g‘risidagi mish-mishlar, gap-so‘zlardan ogoh bo‘lib turish;

• 
  xodim va jamoa, boshliq va tobe xodim o‘rtasida o‘zaro ishonch va do‘stona munosabat o‘rnatish;
  
• 
  jamoa oldida yaqin kunlar ichida va kelgusida qilinadigan ishlar to‘g‘risida axborot berib turish, bu haqda fikr almashish;
  
• 
  jamoatchilik fikriga quloq solish va undan unumli foydalanish;
  
• 
  xizmat ko‘rsatgan xodimlarni moddiy va ma’naviy rag‘batlantirish ishlarini ochiq va oshkora tarzda hal etish;
  
• 
  professional faoliyat davomida vujudga kelgan ijobiy an’analarni o‘rganish va mustahkamlash;
  
• 
  jamoa va bo‘linmadagi xodimlarni ruhiy holati va qobiliyatini inobatga olgan holda operativ ishlarga jalb qilish, qo‘yish, ishga tayinlash va h.k.
  

Huquqni himoya qilish idoralari xodimlari axloqiy-kasbiy buzilishla- rining sabablari va ularni tugatish chora-tadbirlari to‘g‘risida I.A.Karimov shunday degan edi: «Huquqni himoya qilish organlarining ayrim nopok xodimlari o‘z vazifasini suiiste’mol qilib jinoyatga qo‘l urmoqda. Huquqni muhofaza etuvchi idoralar – militsiya, sud, prokuratura xodimlari saflarini malakali, Vatanga va o‘z burchiga sadoqatli, insofli, yosh, iqtidorli va zamon talablariga javob beradigan kadrlar bilan to‘ldirish ishlari kuchaytirilishi lozim...
Barcha bo‘g‘inlarda insofli, diyonatli, bilimdon, tajribali rahbarlar boshchilik qilmas ekan, mustaqil mamlakatimizning obro‘si, uning manfaati uchun mardlik, jonkuyarlik bilan ishlamas ekan, ishlarimiz ko‘ngildagidek bo‘lmaydi»¹.