Ибрайым юсупов

 
1971-жыл. 

---

72
 
Зулфияға 
 
Ояў жатқанымда түс көрип, 
Узақ таңлар зарыққан ўақта, 
Адамлардың ишинде жүрип, 
Жалғызсырап жабыққан ўақта, - 
Емиренип, ержиреп сонда, 
Досларымды ядға аламан, 
Сизиң ҳүрметиңиз алдында 
Мен диз шөгип узақ қаламан. 
1988-жыл. 
 
ШАЙЫР ҲӘМ ЖҮРЕК
 
Жүрек
 
Мен саған, шайыр, өкпели, 
Сениң өзиң қалайсаң? 
Аямайсаң тек мени,
Басқаның бәрин аяйсаң. 
Үстимнен бәрҳа күлесең, 
Азаплаўды билесең.
Кисини атын мингендей 
Қамшылайсаң жүресең 
Сәл жерде тасып толасаң.
Қыйт етсе ашық боласаң.
Күйдирип ышқы отына,
Саў жанға жара саласаң. 
Дүньяның барлық қайғысын
Үстиме мениң артасаң.
Қосық жазып түн бойы,

---

73
Уйықламай шылым тартасаң.
Бир тынбай ислеп тураман 
Сен уйықлаған гезиң.
Бийрәҳим шайыр, жоражан,
Инсап бар ма өзиңде?! 
 
Шайыр 
Дәртимди өйтип қозғама,
Жүрегим, саған ырзаман,
Мен де айтайын азғана,
Сен де тыңла бирзаман. 
Айтарың бар ма қанекей,
Қолымнан келсе аярем.
Саған ҳеш ҳазар бергизбей,
Шалқақлатып қоярем. 
Мен саған емес, бәлки сен
Маған тыным бермейсең.
Адамзаттың дартинен
Суўғармасам, шөллейсең. 
Жаманлық көрсең демигип,
Жақсылық излеп терлейсең.
Қара суўға семирип,
Қайғысыз шағлап жүрмейсең. 
Қайғырғаның ел иси
Бийпәрўа дәўран сүрмейсең. 
Келсе илҳам периси,
Өлгениңди билмейсең. 
Даўласпайық, кел қане,

---

74
Айыплап биреў-биреўди.
Өзыңди колға ал, қәне,
Орның сениң гиреўли. 
Алма, достым кеўилге,
Суўыспасын арамыз.
Бул бес күнлик өмирде
Не болсақ, бирге боламыз.
Даўласып енди хәлексең, 
Көп пенен көрген той, жора,
Жүрекписең — жүрексең,
Қыңқылдыңды қой, жора. 
Бетиңди қашан қайырдым?
Кисиге тағне етпе дым.
Сонда саған шаырдың,
Жүреги бол деппедим… 
Ноябрь, 1994-жыл.