Ibob bo'yicha xulosa

www.arxiv.uz saytidan yuklab olingan

IBob bo'yicha xulosa

Oila inson uchun muqaddas maskan, kishilik jamiyatining ijtimoiy poydevoridir. Oilaviy turmushning asosiy maqsadi - bu farzand ko‘rish orqali aholini qayta tiklash, avlodlar bilan ajdodlar vorisligi va davomiyligini hamda yer yuzida insoniyat tarixiy taraqqiyotini ta’minlashdan iboratdir.

Prezidentimiz Sh.M.Mirziyoyev oilaning tub mohiyati haqida gapirib: "Oila hayotning abadiyligi, avlodlarning davomiyligini ta’minlaydigan, muqaddas urf-odatlarimizni saqlaydigan, shu bilan birga, kelajak nasllar qanday inson bo‘lib yetishishiga bevosita ta’sir ko‘rsatadigan tarbiya o‘chog‘i ekanini tan olishimiz darkor", ekanligini bot- bot takrorlaydilar.

Ma’lumki, muqaddas dinimiz Islomda, uning asosiy manbalari hisoblangan "Qur’oni Karim" va Hadislarda ham oilaviy turmushning va er-xotin munosabatlarining barcha tomonlari haqida qimmatli ma’lumotlar va shar’iy qonunlar yoritilgan. Islomda bo‘lajak oilaning vujudga kelishiga alohida e’tibor berilgan. Shariat bo‘yicha nikohdan o‘tishda quyidagi qoidalarga amal qilish lozim bo‘lgan. 1.Nikohlanuvchi-larning o‘zaro roziligi. 2.Nikoh yoshiga to‘lish. 3.Nikohni guvohlar ishtirokida tuzish. 4.Kelin uchun qalin va mahr to‘lash. 5. Diniy e’tiqod birligi. 6.Nikohlanuvchilar yaqin qarindosh bo‘lmasligi. 7.Tabaqa bo‘yicha tenglik. 8.Nikohdan o‘tuvchilarning ruhiy jihatdan sog‘lom bo‘lishi.

Bu shartlarga rioya qilinib tuzilgan nikohgina qonuniy hisoblanib, taraflarni tegishli huquq va majburiyatlar bilan ta’minlagan.

Oilaviy hayot, nikoh va oila, undagi shaxslararo munosabatlar muammolari bo‘yicha tadqiqot olib borgan pedagog - psixologlarining ishlari bilan tanishar ekanmiz, ularning izlanish yo‘nalishini shartli ravishda ikki turga ajratish mumkin.

1.Oilaning buzilishiga olib keladigan sabablarni o‘rganish orqali oilani mustahkamlash, undagi o‘zaro munosabatlar barqarorligini ta’minlash va oilaviy baxt istiqbollarini belgilash sohasidagi ilmiy tadqiqot ishlari.

2.Baxtli va farovon oilalarni, ya’ni oiladagi baxt va farovonlikni ta’minlovchi oilaviy hayotga xos muhim omillarni o‘rganish sohasidagi ilmiy tadqiqot ishlari.
.