I V dmitriyeva, J. M. Raxmanov

Obyekt kategoriyasi va nomi

3ds Maxda bir nechta kategoriyaga bo‘linadi bular:

• 
  Geometry (Geometriya);
  
• 
  Shapes (Shakllar);
  
• 
  Lights (Yorug‘lik manbai);
  
• 
  Cameras (Kameralar);
  
• 
  Helpers (Yordamchi obyektlar);
  
• 
  Space Warps (Hajmli buzish);
  
• 
  Systems (Qo‘shimcha uskunalar).
  

Obyekt nomi. Standart sodda obyektlar bloki Create (Yaratish) buyruqlar panelining birinchi bo‘limida joylashgan, birinchi bo‘limning birinchi qismida Geometry (Geometriya) bloki joylagan (19-rasm).

3. 
   rasm. Standart sodda shakllar bloki.
   

Bu blok 3ds Max ishga tushirilgandan so‘ng darrov ko‘rinadi. Bunda 10 ta asbob bo‘lib, ular har xil shakllarni yaratadi.

Box (Kub) – oddiy parallelepiped, kub. Buni yaratish uchun quyidagilar bajariladi: Box tugma bosiladi, so‘ngra kursorni Perspective (Perspektiva) oyna proyeksiyasiga chiqariladi.
Sichqonchaning tugmasini bosib turib kub yuzasining asosi chiziladi. Fazoda mavhum diagonal chiziladi. So‘ngra sichqonchaning tugmasi qo‘yib yuboriladi, kursorni yuqoriga harakatlantirib kubning balandligi beriladi. Kub tayyor (20- rasm).

3. 
   rasm. Kubning yaratish tartibi.
   

Yaratilgan shakl shartli ravishta kub deb ataladi. Chunki haqiqatda bu parallelepiped. Bizga ma’lumki, kub bu parallelepipedning bir turi bo‘lib, uning

barcha tomonlari teng. Lekin Box (Kub) so‘zning tarjimasi quti, shuning uchun uni kub deb ataymiz.
Sphera (Shar) – asbob yordamida ixtiyoriy radiusda sodda shar yaratish mumkin. Buning uchun fazoda mavhum shar radiusini cho‘zish kifoya.
Cylinder (Silindr) – bu silindr yaratish asbobi. Silindr kub kabi yaratiladi. Avval obyekt radiusining asosi chiziladi, so‘ngra uning balandligi beriladi. Silindrning radiusi va balandligini keng oraliqda o‘zgartirib, kichik yassi ingichka shakldan to cho‘zilgan ustungacha shakl yaratish mumkin.
Torus (Xalqa) – bu asbob yordamida xalqa yaratiladi. Bunday shaklni aylana deb ham aytish mumkin. Bu shakl ikki amalda bajariladi: avval aylana radiusi chiziladi, so‘ngra unga qalinlik beriladi (21-rasm).

3. 
   rasm. Xalqaning yaratish tartibi.