I qism. Ob’ektni barpo etishning kalendar rejasini ishlab chiqish

Tarmoqli grafikning texnik-iqtisodiy ko’rsatkichlari.

T.r	Ko’rsatkichlar nomi	O’lchov birligi	Hisoblash formulasi	Miqdori
1	2	3	4	5
1	Qurilishning me’yoriy davomiyligi	кун	QM va Q (1.04.03-85)	176
2	Qurilishning hisobiy davomiyligi	кун	Tr = Tkr / 22	113
3	Qurilish muddatining qisqarishi	кун	∆T =Tm - Tr	63
4	Qurilishga sarflangan umumiy mehnat xarajatlari	ish-kuni	8 va 9-ustunlar qo’shiladi	1733,61
5	Turar joy binosining qurilish hajmi	M^3	a∙b∙c	1428
6	1 m^3 binoni barpo etishning mehnat xarajatlari	ish-kuni	Q=∑Q/V	1,214
7	O’rtacha ishchilarning soni	ishchi	N =∑Q/Tkr∙ β	21
8	Smenadagi eng ko’p ishlovchilarnig soni	ishchi	Tarmoqli grafikdan	34
9	Qurilish ob’ektining smeta narxi	ming so’m	Vqur∙Cbirl	789815
10	Qurilish muddatining qisqrishidan olinadigan foyda miqdori	so’m	E = {H ∙ (1 –Tf / Tm)}	213541

II QISM. QURILIShNING BOSh REJASINI LOYIHALASh

1. Qurilishning bosh rejasini loyihalash
Qurilishning bosh rejasi butun bir qurilishni olib borishning muddatiga yoki ishlarni olib borishning ma’lum bir qismga (binoning er osti qisminini barpo etish, qurilish konstruktsiyalarini montajiga, pardozlash ishlariga va h.k.) loyihalanadi.

Kurs ishini ishlashda qurilishning bosh rejasini binoning asosiy qismiga, ya’ni binoning ustki qismini barpo etish uchun loyihalanadi.

Qurilishning bosh rejasi vatman qog’ozining A-2 formatiga rejasi 1:200; 1:500 masshtablarda bino o’lchamlariga bog’liq ravishda chiziladi.

Qurilishning bosh rejasini loyihalashda ketma-ket quyidagi masalalar hal etiladi:

• 
  qurilish maydonining chegarasi bino va inshootlari konturlari chizilib aniqlanadi;
  
• 
  harakatlanadigan qurilish mashinalari yo’llarining o’qi belgilanadi va qurilish kranlarining kran osti yo’llari chizilib, kranlarning uzalish hududlari ko’rsatiladi;
  
• 
  qo’zg’almas qurilish mashinalari va mexanizmlari (qorishma tayyorlash tuguni, ko’tarma mashinasi, kranlar) ning o’rni belgilanadi;
  
• 
  qurilish materiallari va ashyolarini taxlash uchun maydonchalar chegaralari ajratiladi;
  
• 
  vaqtinchalik yo’llar loyihalanadi;
  
• 
  omborlar (ochiq, yopiq), vaqtinchalik ma’muriy binolar, sanitar-maishiy binolari joylashtiriladi;
  
• 
  texnika xavfsizligi va yong’inga qarshi tadbirlar ishlanmalari ko’rsatiladi (xavfli hududlari chegaralari, yong’in gidrantlarining o’rni, chekish joylari belgilanadi).
  

Vaqtinchalik inshootlar, omborlar, mexanizmlar va boshqalar, bosh rejada shunday joylashtirilishi kerakki, ichki tashuv ishlarini engillashtirishi va ishlarni ishlab chiqarishga qulaylik yaratsin. Vaqtinchalik bino va inshootlar juda kam, etarli va tegishli ravishda asoslanishi lozim. Odatda vaqtinchalik inshootlar inventar yasalgan, yig’ma- qismlarga oson ajratiladigan bo’lishi kerak.

Barcha vaqtinchalik bino va inshootlar, yo’llar, energiya va elektr tarmoqlari, suv ta’minoti tarmoqlari, ochiq va yopiq omborlar va boshqalar asosiy binoga bog’langan bo’lib, albatta yong’inga qarshi me’yorlarga javob berishi kerak. Qurilishning bosh rejasini chizishda shartli belgilarga rioya etilib, va eksplikatsiyasi keltirilishi kerak.

Tushuntirish xatida ketma-ket ravishda qurilish ob’ekti xo’jaligi – vaqtinchalik va ma’muriy-maishiy binolarning qurilishni bosh rejasida joylashuvi asoslanadi. Qurilish xo’jaligini qabul qilingan echimlari va hisoblari batafsil keltiriladi.