I. N. Ismanov, J. X. Kambarov, M. M. Turdaliyeva korxonalarda inqirozga qarshi boshqaruvni tashkil etish

Haqqoniylik va xolisonalik tamoyili. Bu tamoyil tahlil uchun yig‘ilayotgan axborotlarni aniq dalillar asosida yig‘ilishini va xolis hech qanday ortiqcha qo‘shimchalarsiz bo‘lishini ta’minlaydi. Shunda soxta yoki yashirin bankrotlik kabi inqirozga qarshi boshqaruv bilan bog‘liq jinoiy ishlar kamayadi. Chunki, tahlil qilinatgan ma’lumotlarning haqqoniy va xolis jamlanmaganligi va unga yolg‘on axborotlarni firib berish yoki yana boshqa g‘araz maqsadlarda qo‘shilishi olingan xulosa hamda korxona moliyaviy holati uchun qo‘yilgan tashxisni noto‘g‘riligini ta’minlaydi.