Ы маамммтттттngy s,,,,,,,,,,,C, xf

Kompyuter tomografiyasi - eng yuqori diagnostika

Hozirgi kunda kompyuter tomografiyasi (KT) diagnostikaning eng informativ usullaridan biri hisoblanadi. Bu usul shifokorlarga odam tanasidagi ichki organlarning anatomik tuzilishini ko'zdan kechirishga imkon berdi.

Diagnostikaning yangi usulini kashf etgan olimlar A.Kormak va G.Xaunsfildlar 1979 yilda Nobel mukofoti bilan taqdirlandilar.

Kompyuter tomografiyasining ishi rentgen nurlari (X-nurlar)ning foydalanishida asoslanadi. Bu nurlar odam tanasidan o'tganda turli organlar bilan har xil darajada o'zlashtiriladi. So'ng bu nurlar maxsus yuqori sezuvchan matrisaga tushadi, undagi ma'lumot esa kompyuterga o'tadi. Kompyuter bu ma'lumotni har tomonlama, masalan, rangli rasm, turli xil jadval, yoki grafika ko'rinishida ifodalay oladi. Oddiy rentgendan farqi uncha katta bo'lmasa ham KT rentgendan ko'ra tananing ma'lum qismini aniq ifodasini ko'rsatib beradi. KTning sezgirlik darajasi esa oddiy rentgendan 40-50 barobar yuqori turadi.

Kompyuter tomografiyasi uslubi avvalambor nevrologiya va neyroxirurgiyada ishlatiladi, chunki uning yordamida shifokorlar ilk bor inson miyasini ko'ra oladigan bo'lishdi. Keyinchalik kompyuter tomograflari o'pka, qorin bo'shlig'i, siydik yo'llari tizimi, suyak va bo'g'imlar kasalliklarini tashxis qilishda ishlata boshlashdi. Ayniqsa yurak bilan bog'liq kasalliklarga tashxis qo'yishda KT katta ahamiyatga ega. Uning yordamida ateroskleroz kasalligini dastlabki bosqichlarda aniqlash mumkin bo'lib qoldi. Masalan, bemor og'ir jarohatdan so'ng behush holda qabul qilindi, shifokor esa uning holati haqida umuman hech qanday ma'lumotga ega emas. Bunda bemorning hayotini saqlab qoluvchi KTning yordami beqiyosdir. KT og'riqsiz tekshiruv bo'lib, uning aniqlik darajasi 96-97 foizni tashkil etadi. Tibbiyot uchun bunday ko'rsatgich juda yuqori hisoblanadi.