I. Курс ишини тайёрлаш ва бажариш

III. КУРС ИШИГА ТАҚРИЗ ОЛИШ ВА ҲИМОЯ ҚИЛИШ


3.1. Курс ишини топшириш муддати

Курс иши олий ўқув юртининг ўқув бўлими томонидан белгилаган муддатларда кафедрага тақриз бериш учун топширилиши ва ҳимоя қилиниши лозим.

3.2. Курс ишига тақриз бериш

Курс ишларига тақриз берилиши шарт. Тақризда қуйидагилар:

• 
  талаба иш мавзусини қай даражада ёритиб бергани;
  

• 
  ишнинг уни ижобий тавсифловчи ўзига хос хусусиятлари (муаммони таҳлил қилишга нисбатан ностандарт ёндашув, кўп сонли манбалар ўрганилгани, суд амалиёти таҳлил қилингани ва ҳ.к.);
  
• 
  ишнинг камчиликлари (эскирган манбалардан фойдаланганлик ёки фойдаланилган манбалар доирасининг етарли эмаслиги, хатолар ёки ноаниқликлар мавжудлиги ва ҳ.к.);
  
• 
  курс ишини ҳимоя қилиш жараёнида ёки янги курс ишини ёзишда (қониқарсиз баҳо олинган ҳолда) хатоларни бартараф этиш бўйича тавсиялар акс эттирилиши лозим:.
  

Курс иши тақризга қўшиб талабага ҳимояга тайёргарлик кўриш учун берилади.


3.3. Курс ишини ҳимоя қилиш

Курс ишини ҳимоя қилиш талабанинг бажарилган лойиҳа бўйича қисқача (5-8 минутлик) маърузаси ва қўйилган саволларга жавобларидан иборатдир. Маърузада курс ишининг асосий хулосалари баён этилиши лозим.

Ҳимоя жараёнида талаба ўзи тақдим этган ишнинг мазмун ва моҳияти хусусида тушунтиришлар бериши ва тақризда қайд этилган барча фикр-мулоҳазаларга жавоб бериши зарур.


3.4. Курс ишига баҳо қўйиш

Ўқув режасига киритилган барча курс ишлари бўйича якуний баҳо (аъло, яхши, қониқарли ёки қониқарсиз) қўйилиши лозим.

Курс ишларига қўйилган баҳолар қайдномаларга киритилади. Ижобий баҳо талабанинг синов дафтарчасига ҳам ёзилади.
Курс иши талабанинг курс иши мавзуси бўйича олий ўқув юртида ҳар йили ўтказиладиган талабалар курс иши ҳимоясида қилган маърузаси натижаларига кўра баҳоланади.
Курс ишларини белгиланган муддатда тақдим этмаган ёки уларни узрсиз сабабларга кўра ҳимоя қилмаган талабалар қарздор, деб ҳисобланади ва якуний назоратга қўйилмайди.
Бажарилган курс ишлари улар ҳимоя қилинганидан сўнг кафедрага топширилади ва далолатномага кўра ҳисобдан чиқарилиб, олий ўқув юрти архивида уч йил мобайнида сақланади.