I. Kirish II. Asosiy qism a Sovet hokimyatining jamoalashtirish siyosatining asosiy mohiyati

Mavzu:O’zbekistonda kollektivlashtirish va quloqlashtirish tarixshunosligi

Reja:

I.Kirish

II.Asosiy qism

a) Sovet hokimyatining jamoalashtirish siyosatining asosiy mohiyati

b) Quloqlashtirish siyosatini amalga oshirishning shartlari va maqsadlari

c) O’zbekistonda kollektivlashtirish va quloqlashtirish tarixshunosligi

III.Xulosa

IV.Foydalanilgan adabiyotlar ro’yxati

Kirish

O`zbekiston o`z mustaqilligini qo`lga kiritib, uni mustahkamlash va huquqiy demokratik davlat, fuqarolik jamiyati barpo etish yo`liga o`tdi. Mustaqillik tufayli Respublika ijtimoy-siyosiy, iqtisodiy va ma`naviy hayotida tub o`zgarishlar ro`y berdi. O`zbekistonda tarixiy jihatdan qisqa davr mobaynida milliy davlatchilikni barpo etish, bozor iqtisodiyotiga o`tish, xalqaro munosabatlarni yo`lga qo`yish va rivojlantirish bobida ulkan ishlar amalga oshirildi. O`zbekiston Respublikasi mustaqillikka erishgandan so`ng tarix fani sohasida ham ulkan ishlar amalga oshirildi. Istiqlol tufayli o`zbek xalqining ko`p mingyillik tarixini tiklash, xolisona tadqiq etish va uni xalqqa yetkazish borasida qator ijobiy natijalar qo`lga kiritildi. Mamalakat ijtimoiy-siyosiy va ma`naviy hayotidagi sifat o`zgarishlariga hamohang tarzda tarixshunoslikda ham yangicha rux va mazmunga, milliy tadqiqotlar uchun qulay shart-sharoitlar yaratildi. O`zbekiston Respublikasi Prezidenti I. A. Karimovning bir qator asarlarida ham o`zlikni anglash, inson dunyoqarashi va jamiyat mafkurasining shakllanishida ijtimoiy fanlar, xususan, tarix fanining o`rniga yuksak baho berib, “Milliy mafkurani shakllantirishdagi eng asosiy manba - bu haqqoniy yaratilgan tarixdir”. “O`z tarixini bilmaydigan, kechagi kunini unutgan millatning kelajagi yo`q”- deb ta`kidlagan edi<sup>1</sup>”. Xalqning bosib o`tgan qariyib bir asrlik tarixiga faqat salbiy voqealar davri deb qaramaslik, balki bu yaqin o`tmishga holisona baho berish, bugunning vazifasidir. Umuman, tarixni, ajdodlar qoldirgan boy merosni ro`yi-rost, holisona o’rganib, adolat bilan tadqiq va talqin qilish bosh mezon bo`lmog`i kerak. Tarixni chuqur idrok etish kishilarda yo`l qo`yilgan hatolarni takrorlamaslik, undan saboq chiqarib, bugungi kun va kelajak uchun fidokorlik hissini tarbiyalashda katta ahamiyatga ega.