И энергетика корхоналарида инновацион фаолиятни молиялаштиришни такомиллаштириш масалалари

Диссертация тадқиқотининг олий таълим муассасаси илмий тадқиқот ишлари режалари билан боғлиқлиги. Диссертация тадқиқоти Тошкент молия институтининг «Иқтисодиётни модернизация қилиш шароитида молия, банк ва ҳисоб тизимини мувофиқлаштиришнинг илмий асослари» мавзусидаги илмий-тадқиқот йўналиши доирасида бажарилган.
Тадқиқотнинг мақсади ёқилғи-энергетика корхоналари инновацион фаолиятини молиялаштиришни такомиллаштиришга қаратилган илмий таклиф ва амалий тавсиялар ишлаб чиқишдан иборат.
Тадқиқотнинг вазифалари қуйидагилардан иборат:
корхоналарда инновацион фаолиятни молиялаштиришнинг моҳиятини ва унинг муҳим жиҳатларини тадқиқ этиш;
замонавий шароитларда корхоналарнинг инновацион фаолиятини молиялаштириш хусусиятларини ёритиш;
ёқилғи-энергетика тармоғи корхоналари инновацион фаолиятини молиялаштиришнинг жаҳон тажрибаси тадқиқ этиш;
ёқилғи-энергетика тармоғининг инновацион салоҳиятини оширишнинг жорий ҳолатини таҳлил этиш;
ёқилғи-энергетика корхоналарида инновацион фаолиятни молиялаштиришни такомиллаштиришга қаратилган илмий таклиф ва амалий тавсиялар ишлаб чиқиш;
иқтисодиётни стратегик ривожлантириш шароитида ёқилғи-энергетика тармоғи инновацион салоҳиятини ошириш йўналишларини аниқлаш;
инновацион муҳитни давлат томонидан тартибга солиш тизимини ислоҳ қилиш шароитида инновацион фаолиятни молиялаштириш самарадорлигини ошириш бўйича асосий йўналишларни белгилаш;
ёқилғи-энергетика корхоналарида инновацион фаолиятни молиялаштириш механизмини такомиллаштириш йўлларини аниқлаш.
Тадқиқотнинг объекти сифатида Ўзбекистон Республикаси ёқилғи- энергетика мажмуаси корхоналари олинган.
Тадқиқотнинг предмети Ўзбекистон Республикаси ёқилғи-энергетика мажмуаси корхоналарида инновацион фаолиятни молиялаштиришни такомиллаштириш жараёнида юзага келадиган иқтисодий муносабатлар тизимидан иборат.
Тадқиқотнинг усуллари. Диссертацияда гуруҳлаш, абстракциялаш, қиёсий таҳлил, таркибий таҳлил, илмий прогнозлаш, иқтисодий-статистик, график-таҳлил ва бошқа усуллардан фойдаланилган.