I bo‘lim. Umumiy qoidalar 1-bob. Asosiy qoidalar

126-modda. Ma’muriy ish yuritish vaqtida manzilning o‘zgarishi
Ishda ishtirok etuvchi shaxslar ish yuritish vaqtida o‘z manzili o‘zgarganligi haqida sudga xabar berishi shart. Bunday xabar mavjud bo‘lmagan taqdirda, ajrimning ko‘chirma nusxasi sudga ma’lum bo‘lgan oxirgi manzilga yuborilib, garchi oluvchi shu manzilda bo‘lmasa ham yoki yashamasa ham u yetkazib berilgan deb hisoblanadi.
Agar ishda ishtirok etuvchi shaxslar o‘z telefon va faks raqamlarini, elektron manzilini sudga ma’lum qilgan bo‘lsa, ularning ish yuritish vaqtida o‘zgarganligi to‘g‘risida sudni yozma shaklda, shu jumladan elektron hujjat tarzida xabardor qilishi kerak.
II BO‘LIM. BIRINChI INSTANSIYA SUDIDA ISh YuRITISh
16-bob. Ish qo‘zg‘atish
127-modda. Ish qo‘zg‘atish asoslari
Sud:
1) manfaatdor shaxslarning;
2) prokurorning;
3) davlat organlari va boshqa shaxslar yuridik shaxslar va fuqarolarning huquqlari hamda qonun bilan qo‘riqlanadigan manfaatlarini, jamiyat va davlat manfaatlarini himoya qilish maqsadida qonun bo‘yicha sudga murojaat qilish huquqiga ega bo‘lgan hollarda, shu davlat organlarining va boshqa shaxslarning arizalari bo‘yicha ish qo‘zg‘atadi.
LexUZ sharhi
Qarang: mazkur Kodeksning 4, 5, 38, 46, 47-moddalari.
128-modda. Arizaning (shikoyatning) shakli va mazmuni
Ariza (shikoyat) sudga yozma shaklda beriladi. U arizachi yoki uning vakili tomonidan imzolanadi.
Arizada (shikoyatda) quyidagilar ko‘rsatilishi kerak:
1) ariza (shikoyat) berilayotgan sudning nomi;
2) ishda ishtirok etuvchi shaxslarning nomi (familiyasi, ismi va otasining ismi), joylashgan eri (pochta manzili) yoki yashash joyi;
3) arz qilingan talablarga asos bo‘lgan holatlar (agar ular mavjud bo‘lsa);
4) arz qilingan talablarning asoslarini tasdiqlovchi dalillar;
Oldingi tahrirga qarang.
5) arizachining qonunchilikka asoslab keltirgan talablari, talab bir nechta javobgarga nisbatan taqdim etilganda esa ularning har biriga nisbatan talablar;
(128-modda ikkinchi qismining 5-bandi O‘zbekiston Respublikasining 2021-yil 21-apreldagi O‘RQ-683-sonli Qonuni tahririda — Qonunchilik ma’lumotlari milliy bazasi, 21.04.2021-y., 03/21/683/0375-son)
6) ilova qilinayotgan hujjatlarning ro‘yxati.
Arizada (shikoyatda) arizachining yoki uning vakilining telefonlari, fakslari raqamlari, elektron manzili ko‘rsatilishi mumkin.
Arizada (shikoyatda), agar nizoni to‘g‘ri hal qilish uchun zarur bo‘lsa, boshqa ma’lumotlar, shuningdek arizachidagi mavjud bo‘lgan iltimosnomalar ko‘rsatiladi.
Arizachi o‘zaro bog‘liq bo‘lgan bir nechta talabni, agar ular ma’muriy sudga taalluqli bo‘lsa, bitta arizaga (shikoyatga) birlashtirishga haqli.
LexUZ sharhi
Qarang: mazkur Kodeksning 127, 129 — 138-moddalari.