I-bob. Тurizmda mehmonxonalarning global raqobat va global marketing tushunchalari va uning nazariy uslubiy asoslari

2.2 O’zbekiston turizm sohasida global raqobat va global marketingning asosiy yo’nalishlari va strategiyalarini takomillashtirish istiqbollari
O’zbekiston Respublikasining «Turizm to’g’risida»gi qonuni qabul qilinishi respublika hukumatida ushbu sohaga katta e’tibor qaratayotganligini ko’rsatadi.O’zbekiston Respublikasi Prezidentining 1992 yildagi «Turizm infrastrukturasini va turistlik bo’yicha jahon bozoriga kirishni rivojlantirish to’g’risida»gi Farmoni,shuningdek Vazirlar Mahkamasining 1993 yil 3 iyundagi «O’zbekiston Respublikasida xalqaro turizmning zamonaviy infrastrukturasini yaratish bo’yicha chora-tadbirlar to’g’risida»gi, O’zbekiston Respublikasi Vazirlar Mahkamasining «Turizm faoliyatini litsenziyalash to’g’risidagi nizomni tasdiqlash haqida»gi Qarori 2003 yil 12 noyabr fikrimizning yaqqol dalilidir. Yuqorida ko’rsatib o’tilgan qonun va qonun osti hujjatlari dasturiy hujjatlar bo’lib ular iqtisodiyotning yuqori rentabelli sohasi bo’lmish turizmning rivojlanishi uchun huquqiy, tashkiliy, iqtisodiy va moddiy-texnik chora-tadbirlarni amalga oshirishga yo’naltirilgan. Turizm bilish, rekreatsion, sport-sog’lomlashtirish, ko’ngilochar va boshqa funksiyalarni bajaradi. Hozirgi vaqtda u O’zbekiston iqtisodiyotida rivojlangan turistlik mamlakatlarga qaraganda unchalik katta o’rin tutmayapti. Turistlik faoliyatdan tushgan tushumlar ichki yalpi mahsulotning 1-2 foizini tashkil qiladi, xolos.Turizm sohasidagi ba’zi salbiy omillarni yengish uzoq vaqt va birinchi navbatda davlat tomonidan rejalashtirishni talab etadi.Sohaning hozirgi 72 holati O’zbekistonning potensial imkoniyatlariga javob bermaydi. Respublikamiz turistlik industriyani yanada rivojlantirish uchun barcha zarur shart-sharoitlarga ega: tabiiy sharoitlar, tarixiy-madaniy, moddiy va inson resurslari. Turizm mamlakatning bozor munosabatlarini rag’batlantirishning, milliy iqtisodiyotning boshqa sohalariga ijobiy ta’sir ko’rsatishning, aholini ish bilan ta’minlashning, atrof muhitni muhofaza qilishning, tarix va madaniyat yodgorliklarini muhofaza qilish bo’yicha ishlar yaxshilanishining, aholining madaniy va sog’liq darajasini ko’tarishning eng samarali usulardan biri bo’lishi mumkin va shunday bo’lishi ham kerak.
Yuqorida ko’rsatib o’tilgan qonun hujjatlari kompleks va uzoq muddatli xususiyatga ega. Ularning birinchi galdagi vazifalari quyidagilardan iborat:
- turizmni davlat tamonidan qo’llab-quvvatlashini ta’minlash, uni rivojlanishini rejalashtirishda davlat va boshqa mulkchilik shaklidagi korxonalarni,shuningdek, alohida fuqarolarni jalb etish;
- tegishli moddiy-texnika bazasining iqtisodiy asoslarini va rivojlangan infrastrukturasini yaratish;
- turistlik sohani boshqarishni markazlashtirishdan holi qilish, davlat tasarrufidan chiqarish, bozor xo’jalik yuritishi asosida zamonaviy tuzilmalarni yaratish;
- turistlik resurslardan, O’zbek xalqining milliy tarixi va madaniyati yutuqlaridan foydalanish asosida mamlakat va xorijiy (kirib keluvchi) turizmning ustuvorligini ta’minlash;
- turistlik xizmat ko’rsatish asosiy shakllarining davlat standartlarini ishlab chiqish; - aholining ma’naviy rivojlanishiga, uning sog’ligi mustahkamlanishiga, fuqarolarda umuminsoniy qadriyatlar, ekologik madaniyat shakllanishiga ko’maklashish.
O’zbekiston Respublikasi turizmni rivojlantirishning istiqboldagi maqsadi– respublikaning milliy-madaniy tiklanishi, milliy iqtisodiyotning ustuvor tarmoqlaridan biri sifatida turizmni rivojlantirish borasidagi ijtimoiy-iqtisodiy va xo’jalik masalalarini hal qilishdir (bu tarmoq BMT Bosh assambleyasi tomonidan qabul qilingan Turizm partiyasi talablariga javob beradigan bo’lishi kerak). 73
Turizm sohasi oldida turgan asosiy vazifa – O’zbekistonning tabiiy iqlimiy, rekreatsion, ijtimoiy-iqtisodiy va tarixiy madaniy salohiyatini hisobga olgan holda ichki va xalqaro turizm ehtiyojini qondirishga yo’naltirilgan yuqori rentabelli turistlik tarmoqni yaratishdan iborat.
O’zbekiston xalqaro turizm bozoridan mustahkam o’rin olishi uchun turistlar uchun yuqori darajadagi qulaylik yaratilishi, ularga xizmat ko’rsatishning barcha turlari bo’yicha standartlar tizimi, xavfsizligini ta’minlash kafolatlari yuzaga keltirilishi shart.
«Turizm to’g’risida»gi qonun, O’zbekiston Respublikasi Prezidentining farmonlari va Vazirlar Mahkamasining qarorlaridan kelib chiqqan holda O’zbekistonda turizmning asosiy yo’nalishlari quyidagilardan iborat44:
- davlat manfaatlari va O’zbekiston Respublikasining tegishli qonunlari, xalqaro turistlik amaliyot me’yorlarini hisobga olgan holda turistlik tarmoqning ustuvor rivojlanishini ta’minlash;
- kelgusida turizmning yanada rivojlanishiga ko’maklashadigan qonun hujjatlari va boshqa me’yoriy hujjatlarni tayyorlash;
- tarmoqning tashkiliy tuzilishini, uni boshqarish va faoliyatini tartibga solishni takomillashtirish; - turizmning rivojlangan infrastrukturasini yaratish;
- turistlik-rekreatsion zonalar, hududlar va turistlik markazlarni o’zlashtirish;
- axborot-reklama faoliyati yo’nalishlarini belgilash, marketing va ekskursiya uslubiy xizmatlarni tashkil qilish;
- imtiyozli ravishda mablag’ bilan ta’minlash va kredit berish yo’li bilan turistlik faoliyatni rag’batlantirish;
- tarmoqning malakali kadrlar va ilmiy potensialini shakllantirish, kadrlar tayyorlash, qayta tayyorlash va malakasini oshirish tizimini yaratish;
- tabiatdan foydalanish va atrof-muhitni saqlash samarasini ta’minlash zaruratini hisobga olgan holda turistlik faoliyat olib borishning shakllari va mexanizmini ishlab chiqish.¹⁸
Turizmni rivojlantirishni tezlashtirish jarayoni bozor munosabatlarini hisobga olgan holda amalga oshirilishi kerak. Xalqaro tajriba shundan dalolat beradiki, aynan bozor turistlik xo’jalik faoliyat ko’rsatishi uchun eng maqbul iqtisodiy muhiti hisoblanadi. O’z navbatida, turistlik tarmoq korxonalari, bevosita iste’molchiga mo’ljal ola turib, bozor muhiti shakllanishiga faol ko’maklashishi kerak.
Yuqorida ko’rsatilgan vazifalarni bajarish turistlik faoliyatning samaradorligini oshirish, turizm infrastrukturasining mamlakatni iqtisodiy-ijtimoiy va madaniy rivojlantirishning boshqa ustuvor sohalari bilan o’zaro aloqasini mustahkamlashga imkon beradi.
O’z xususiyatidan kelib chiqqan holda turistlik xo’jalik ayni paytda turdosh tarmoqlarga yuqori talablar qo’yar ekan, faqat texnologiyalarni takomillashtirish va mehnatni tashkil qilishni yaxshilashgagina emas, balki xo’jalik yuritishning eng samarali shakllarini joriy qilishga, yangi ish joylarini yaratishga ham ko’maklashadi.
Jamoa va xususiy mulkchilikdagi kichik va xususiy korxonalar sonining ko’payishi katta markazlashgan mablag’larni jalb qilmagan holda turizmni rivojlantirishga imkon beradi. O’zbekiston Respublikasida turizmni barqaror rivojlantirish mamlakat iqtisodiyotini mustahkamlashga, baquvvat turistlik tarmoq yaratishga, turizm infrastrukturasiga davlat ta’sirining boshqaruvini kuchaytirishga, aholining turmush darajasini oshirishga, ekologik xavfsizlikni ta’minlashga, tarix va madaniyat yodgorliklarani saqlab qolishga, tabiatni muhofaza qilish faoliyatining darajasini oshirishga, jamiyatning ma’naviy salohiyatini oshirishga xizmat qiladi.
Хozirgi kunda yuqoridagi mavjud xolatlardan kelib chiqib O’zbekistonda global marketing strategiyasini takomillashtirishning qo’yidagi yo’llarini ko’rsatish mumkin:
1. Iqtisod va turizmni tashkil qilish bo’yicha Respublika OO’Yularida malakali mutaxassislarni tayyorlash;
2. Тuristik xizmatlarning bozor infrastrukturasi(mehmonxonalar, transport, ovqatlanish)ni va xizmatlarning xilma xil ko’rinishlarini yaratish;
3. Mamlakatimizda xorijiy turistlar sonini ko’paytirish uchun O’zbekistonning turistik imkoniyatlari to’g’risida johondagi barcha mamlakatlardagi iste’molchilarga axborot yetkazishni takomillashtirish;
4. Mamlakatga tashrif buyurish uchun turistlarga keng yo’l ochib berish, milliy turistik resurslardan foydalanishni kengaytirish maqsadga muvofiq;
5. Тurizmni rivojlantirish yo’nalishida ilmiy-tadqiqotlar o’tkazilishi lozim;
6. Тuristik xizmatlarning tariflari va narxlarini erkinlashtirish, ishchilarning manfaatlarini muvofiqlashtiruvchi sifat va miqdorga ega turli xizmatlarni joriy qilish;
7. O’zbekistonga xorij turizmini jalb qilish tizimini tashkil qilish, bunda turizm va sayohatlar bo’yicha xorijiy kredit va turizm sanoati texnologiyalaridan foydalangan holda qo’shma korxonalar tashkil qilish lozim;
8. Alohida mamlakatlar yoki bir biriga yaqin millatlar uchun maxsus firmalar va marshrutlar tashkil qilish. Bunda ular uchun barcha sharoitlar yaratishga harakat qilinadi.
Тadqiqotlar shuni ko’rsatmoqdaki, barcha rivojlangan mamlakatlarda asosiy valyuta tushumlari tovarlarni sotishdan ko’ra turizmdan yuqori tushmoqda. Misol uchun Тurkiyada 5-10 milliard dollar turizmdan, 1-2 milliard dollar tovarlarni sotishdan kelib tushadi. AQSh, Angliya, Fransiya va Italiyada ham xuddi shunday munosabatlar mavjud45 .
Eng taraqqiy etishi mumkin bo’lgan yo’nalishlardan biri mamlakatimizdagi turistik ob’ektlarni reklamasini yanada rivojlantirish. Buning uchun “O’zbekturizm” MKda maxsus fond tashkil qilinishi va bu fond turistik firmalar a’zolik badalidan moliyalashtirish mumkin.¹⁹
O’zbekiston YaIMining 0,5%ini turizm tashkil qiladi, o’rtacha jahon ko’rsatkichi esa 9,7%dir. Ekspertlarning fikricha, bizda hali foydalanilmagan imkoniyatlar ko’p. Jahon savdo tashkilotining prognozlariga ko’ra 2020 yilga kelib turistik oqim yevropa mamlakatlariga 30%, Osiyo mamlakatlariga 400%ga ko’payishi bashorat qilinmoqda46 . Bunda albatta O’zbekiston turizm sanoatining rivojlanishi ham nazarda tutilgan.