I-bob. Statistik ma’lumotlarni to’plash nazariyasi va amaliyoti uslubiy ko‘rsatmalar va namunaviy masalalarni echish

2-masala. 1-masala sharti bo‘yicha kuzatish joyi, sub’ekti, shakli, turi, usuli va vaqtini aniqlang.
Echilishi: Demak, berilgan masala bo‘yicha kuzatish joyi Toshkent Moliya instituti, Kredit-iqtisod fakulteti, sub’ekti esa dekanat xodimlari yoki statistika kafedrasi o‘qituvchilari bo‘lishi mumkin.

Kuzatish shakli hisobot yoki maxsus tekshirish bo‘lishi mumkin. Bizga qulayroq hisoblangan, maxsus tekshirish shaklini tanlaymiz.

Kuzatuv turiini belgilaymiz. Talabalar o‘zlashtirishi omillarini o‘rganishda yoppasiga va bir yo‘la kuzatuv o‘tkazish maqsadga muvofiq. Qisman kuzatuvda (bu erda tanlama usul) reprezentativ xatolikni aniqlash kerak bo‘ladi. Bundan tashqari, boshqa savollar (tanlanma usulning qaysi turi tanlovda qatnashishi zaruriy birliklar soni) ham tug‘iladi.

Endi ma’lumotlar olish usulini tanlaymiz. Uch xil ma’lumot olish usuli mavjud: bevosita, hujjatli va savol-javob usullari.

Berilgan masalada hujjatli usulni tanlaymiz. CHunki dasturdagi savollarga javobni talabaning shaxsiy varaqasidan, o‘qishga kirish natijalaridan, sessiyadagi natijalari haqida reyting qaydnomalaridan, darsga qatnashish vazifalarni o‘z vaqtida topshirishi o‘qituvchining jurnaldagi qaydidan bilishimiz mumkin.

Kuzatish vaqti bu qishki attestatsiya davri hisoblanadi. Savollar ro‘yxati aks etgan blankani attestatsiyadan keyin 10 kun davomida to‘ldirish mumkin. Ba’zi ma’lumotlar (talaba haqida) attestatsiyadan oldin ham olinishi mumkin.

Statistika kuzatuvi natijasida to‘plangan ma’lumotlarni nazorati mantiqiy va arifmetik usulda amalga oshiriladi.