I bob. Qishloq mehnat bozorining shakllanishi va samarali rivojlantirish yo’llarining nazariy, ilmiy va uslubiy asoslari

Demografik shart-sharoitlar ishchi kuchi taklifining shakllanishiga turlicha ta’sir koʻrsatadi. Masalan, yuqori darajadagi tug‘ilish mehnat bozoriga aholining katta oqimi kelishini asoslaydi. Respublikada mehnatga layoqatli aholining yosh boʻyicha tuzilishida 16–29 yoshdagi yigit-qizlar ulushi 2020-yilida 26,4% ni tashkil qiladi.

Demografik shart-sharoitlar ishchi kuchi taklifining shakllanishiga turlicha ta’sir koʻrsatadi. Masalan, yuqori darajadagi tug‘ilish mehnat bozoriga aholining katta oqimi kelishini asoslaydi. Respublikada mehnatga layoqatli aholining yosh boʻyicha tuzilishida 16–29 yoshdagi yigit-qizlar ulushi 2020-yilida 26,4% ni tashkil qiladi.

O‘rta maktablarni bitiruvchilarning koʻpchiligi, dastlabki kasb tayyorgarligiga ega boʻlmaganlari holda qishloq xoʻjaligiga jalb qilinadilar. Qashqadaryo viloyatida oʻtkazilgan aniq sotsiologik tadqiqot shuni koʻrsatdiki, ish bilan band bo‘lmagan mehnatga layoqatli aholi oʻrtasida yoshlarning ulushi 34% ni, ba’zi tumanlarda esa 35–55 % ni tashkil qildi, ularning mutlaq ko‘pchiligi xotin-qizlardir (60–65%). Yoshlarning 89 foizi ishga joylashishni xohlaydilar.

O‘zbekiston Respublikasi aholisining yosh boʻyicha tuzilishi.

O‘zbekiston Respublikasi aholisining yosh boʻyicha tuzilishi.

Mehnat bozori shakllanishiga qishloq xoʻjaligi ishlab chiqarishida ish mavsumiy boʻlganligi uchun ish bilan toʻliq band boʻlmagan shaxslarning koʻpchiligi sezilarli ta’sir koʻrsatadi. Bizning baholashimizcha, 2020-yilda shu sababga koʻra, Qashqadaryo viloyati qishloq xoʻjaligi ishlab chiqarishida 38,4 ming kishi, ya’ni undagi xodimlarning 18,4 foizi ishtirok etmagan. Mavsumiy mehnat davrining kattaligi ishsizlik xavf-xatari va hajmini oshiradi.
Hozircha qishloq xoʻjaligida qoʻl mehnatining ulushi ancha katta. Ammo bu an’anaviy tarmoqning ekstensiv rivojlanishi va yangi qoʻshimcha ish joylarini yaratish imkoniyatlari kamligi hamda yer va suv resurslari yetishmasligi tufayli cheklangan. Shu bilan birga ilmiy-texnik yangiliklar va mehnatni tashkil qilishning ilg‘or uslublarini tatbiq etish xodimlar qishloq xoʻjaligidan ozod qilinishini tezlashtiradi. Bu esa yuqori malakaga ega boʻlmagan mehnatga talabni yanada kamaytiradi va ishsizlikni, ayniqsa, koʻp bolali ayollar va yosh qizlar oʻrtasida koʻpaytiradi.