I bob. O‘quvchilarning matn tuzish orqali nutq o`stirish ko‘nikmalarini shakllantirish – til ta’limining bosh vazifasi

Shukurullayev Jahongirning 4-sinf Ona tili fanidan “Nutq. Matn” mavzusiga bir soatlik dars ishlanmasi.
Mavzu: Nutq. Matn Darsning maqsadi:

1. 
   o‘quvchilarning nutqning ifodalanishi, shakllari va matn haqidagi bilimlarini mustahkamlash. Mashqlarda berilgan matnlar orqali o‘quvchilarni mantiqiy fikrlashga o‘rgatish. Ertaklar orqali zehnini o‘stirish. O‘quvchilarning lug‘atini yangi so‘zlar bilan boyitish;
   
2. 
   o‘quvchilarga tabiiy hodisalar haqida tushuncha berish. Tabiat va vatanga muhabbat, ularni asrash tuyg‘ularini shakllantirish.
   

Darsning metodi: mustaqil ish metodi.
Darsning jihozi: rasmlar, kitoblar, plakatlar.
Darsning borishi:

1. 
   Uyga vazifasini tekshirish 81- mashq yuzasidan suhbat:
   
   • 
     “Kuz” mavzusida insho yozish uchun tayyorlandingizmi?
     
   • 
     Qanday so‘zlardan foydalanasiz?
     
   • 
     “Kuz” matnini yaratishda nimalarga e’tibor berasiz?
     

O‘quvchilar ob-havodagi o‘zgarishlar, tabiatdagi o‘zgarishlar, kuzgi ishlar haqida o‘z fikr-mulohazalarini bildirishadi.
Mustaqil ish. 82-mashq. Rasmni kuzating. Rasm asosida uch-to‘rt gapli
hikoya tuzing. Hikoyangizga sarlavha qo‘ying.
Rasm asosida tuzgan hikoyangiz nima deyiladi?

2. 
   Darslik bilan ishlash.
   

83- mashq. O‘quvchilar she’riy matnni o‘qiydilar. U nima haqidaligini gapirib beradilar.
Yurtdoshim, bog‘ingga bir nihol qada, Bu nihol nomini „Yaxshilik" ata.
Niholning yoniga bir gul ekib qo‘y,
Bu gulning nomini „Go‘zallik" deb qo‘y. Gul-u niholingga baxsh etib hayot,
Suv ber va bu suvga „Mehr" deb ot qo‘y.
Erkin Vohidov
Siz kelgusida Vataningiz ravnaqiga qanday hissa qo‘shmoqchisiz?
Fikringizni uch-to‘rt gap bilan ifoda qiling va yozing.
Qoida:
Nutq gap orqali ifodalanadi. U bir yoki o‘zaro mazmunan bog‘langan bir necha gaplardan tuziladi. Nutq og‘zaki va yozma shaklda bo‘ladi.
84-mashq. O‘quvchilar matnni o‘qiydilar. Nutq nechta gapdan
iboratligini topadilar. Ayrim so‘zlar ma’nosini izohlanadi.