I bob opek tashkilotining umumiy tavsifi opek tashkil topish evolutsiyasining nazariy asoslari

Reja:

Kirish

I BOB OPEK tashkilotining umumiy tavsifi

1. 
   OPEK tashkil topish evolutsiyasining nazariy asoslari
   
2. 
   OPEK ning mintaqadagi iqtisodiy ahamiyati
   

II BOB Tashkilotning zamonaviy tendensiyalari tahlili

1. 
   OPEK ning zamonaviy holati tahlili
   
2. 
   OPEK ga a’zo mamlakatlar iqtisodiy kelishmovchilik muammolari va ularni hal qilish yo`llari
   
3. 
   OPEK mamlakatlari rivojlanishining istiqbollari
   

Xulosa

Foydalanilgan adabiyotlar

KIRISH

Barcha jahon iqtisodiyoti tarmoqlarida neft bozorlari ahamiyati katta rol o`ynaydi. Chunki neft narxlarining o’zgarishi iste’mol, talab va taklif, daromadlarning o’zgarishiga olib keladi. Demak, har bir davlat iqtisodiyotining oldiga qo`ygan eng katta maqsadlaridan biri bo’lib neft bozorlarining tahlili hisoblanadi.

Shu o`rinda aytib o`tish lozimki, kartellarning ham jahon iqtisodiyotida ahamiyati kattadir. Kartellar bu turli mustaqil, raqobatlashuvchi firmalarning kelishuvi hisoblanadi. Hozirgi kunda kartellarning eng yirik vakili sifatida OPEC tashkilotini misol qilib olsak bo`ladi. Bu tashkilot neft narxlarini, ishlab chiqarish hajmini a’zo davlatlar bilan hamkorlikda kelishishadi va bu harakatlari bilan butun dunyo iqtisodiyotiga ta’sir ko’rsatishadi.

Davlatlarning sanoat va boshqa korxonalari neft bozorlariga katta qiziqish bilan qarashadi, o`zlarining ishlab chiqarish hajmini va narxni o’rnatish siyosatini neft bozorlarida o’zgarishlarga muvofiq ravishda amalga oshirishadi.

Strategik alyanslar jahon bozorining eng mukammal shakli sifatida o’z xislatlari bilan ajralib turadi. Chunki alyanslar ikki va undan ortiq firmalarning birlashuvi orqali namoyon bo’ladigan birlashma. Ular o’zlarining birlashishlari orqali raqobatni, xarajatlarni kamaytirib, foydani oshirish, bozorga chiqish imkoniyatini yaratish, resurslarni unumli foydalanib ko’p va turli tovar va xizmatlarni yetkazib berish kabi ishlarni amalga oshirishadi. Bu esa o’z navbatida nafaqat bir davlat iqtisodiyot yoki firmalarning rivojlanishi, balki jahon iqtisodiyoti rivojlanishiga olib keladi.

Shu jihatlari bilan neft bozorlari, kartellar va alyanslar butun jahon davlatlari uchun anchadan buyon umumiy bo’lgan iqtisodiy o’rganish sohasi hisoblangan va kelajakda ham bu o’z ahamiyatlik darajasini saqlab qoladi.

Kurs ishining dolzarbligi: yoqilg’i energetika muammosi har doim muhim bo`lib kelgan, neft zahirasining eng katta ulushiga ega OPEK mamalakatlarini tadqiq qilish.

Kurs ishining maqsadi:OPEK tashkilotini imkoniyatlarini o’rganish, zamonaviy tendensiyalarini tahlil qilish.

Kurs ishining vazifalari:

1. 
   OPEKning tashkil etilish sabablarini ko`rib chiqish;
   
2. 
   OPEKga a’zo mamlakatlarning tashkilotdagi o’rnini o`rganish;
   
3. 
   tashkilotning bugungi kundagi faoliyatini o`rganish;
   
4. 
   integratsiyaning rivojlanishiga to`sqinlik qilayotgan muammolarni tadqiq qilish;
   
5. 
   OPEK istiqbolini ta’minlovchi qanday imkoniyatlar mavjudligini tahlil qilish.