I bob. Kashmir mojarosi: evolyutsiyasi, tipologiyasi va hal qilish usullari

Tadqiqotning maqsad va vazifalari: To’plangan ilmiy adabiyotlar hamda vaqtli matbuot materiallarini o’rganish va voqelikka sivilizatsion yondashuv asosida Hindistonning Kashmir muammosi davridagi ichki va tashqi siyosatini ilmiy tahlil etish kurs ishining bosh maqsadidir. Shundan kelib chiqib, quyidagi vazifalarni hal etish belgilandi:

• 
  Mustaqil Hindiston davlatining tashkil topishi bosqichlari va unga ta’sir ko’rsatgan omillarni o’rganish;
  

• 
  Kashmir muammosining siyosati, Hindistonning tashqi maydondagi siyosiy ta’sirining kuchayishiga baho berish;
  

• 
  Kashmir muammosiga nisbatan hukumat tomonidan olib borilgan ijtimoiy-iqtisodiy sohadagi islohotlarini tadqiq qilish;
  
• 
  Kashmir muammosining xalqaro keskinlikni yumshatishdagi tutgan o’rnini nazariy jihatdan asoslash;
  
• 
  Hindistonning yadroviy dasturi va dunyodagi tinchlik muammolariga baho berish;
  
• 
  “Sovuq urush” xavfi va Hindistonda “Qo’shilmaslik” siyosatini o’rganish va hokazo.
  

Kurs ishning nazariy va uslubiy asoslari. Tadqiqot metodologik jihatdan O’zbekiston Respublikasi Prezidenti Sh. M. Mirziyoyevning O’zbekistonda tarix fani oldida turgan dolzarb muammo va vazifalar haqida bildirgan fikrlari, asarlari va ma`ruzalari ilmiy xulosalar qilishda, taklif va tavsiyalar berishda metodologik asos bo’lib xizmat qildi.
Ilmiy tadqiqot olib borish jarayonida qiyosiy tahlilga va kompleks statistik usullariga, umuminsoniy, milliy qadriyatlarning shajarasiga tayanuvchi tarixiy tafakkur qoidalariga, insonparvarlik g’oyalariga va mustaqillik milliy taraqqiyot mafkurasiga asoslanadi. Ishda tarixiylik, xolislik, ilmiylik, mantiqiy ketma-ketlik kabi tamoyillarga asoslaniladi.
Ishning ilmiy yangiligi va amaliy ahamiyati. Kurs ishning ilmiy yangiligi shundan iboratki, ushbu Kurs ishda Hindistonning Kashmir muammosi davridagi siyosati zamon talablari-milliy istiqlol g’oyasi ruhida ilmiy tadqiqot mavzusi sifatida xolisona holda yoritiladi. Kashmir muammosining boshqaruv siyosatiga bugungi kun nuqtai nazaridan baho berildi. O’rganilayotgan mavzu bo’yicha amal qilgan voqea-hodisalarni bir-biri bilan taqqoslash, mantiqiy ilmiy xulosalar chiqarish, muammolarni bir tarixiy taraqqiyot bosqichida mavjudligi va o’zaro bog’langanligini e’tiborga olgan holda bayon qilishga amal qilinagan.