I bob. Iqtisodiyotni davlat tomonidan tartibga solish nazariyasi

Xulosa va takliflar
Xulosa qilib aytganda, davlat tomonidan iqtisodiyotni tartibga solish juda muhim vazifa hisoblanar ekan. Jumlada bozor munosabatlariga asoslangan mamlakatlarda iqtisodiyotni tartibga solish borasida davlat muhim vazifalarni bajaradi. Chunki davlat iqtisodiyotga faol aralashib bozor mexanizmining amal qilishiga ko‘maklashadi.
Bozor munosabatlarini tartibga solishdan ko‘zlangan asosiy maqsad bozor munosabatlarini muayyan va ma‘lum yo‘nalishlar asosida rivojlantirib, aholining turmush darajasini oshirish choralarini ko‘rishdan iborat. Shunday ekan iqtisodiyot qancha rivojlansa, kamol topsa aholi turmush darajasi ham shuncha rivojlanadi va yaxshilanadi.
O‘ylaymanki, iqtisodiyotni davlat tomonidan tartibga solish davlat uchun hozirgi kunda asosiy vazifalardan biriga aylangan. Iqtisodiyotni tartibga solishning davlat mexanizmini taqazo etuvchi sabablardan biri aholini inson salomatligiga va tabiatga ziyon yetkazuvchi omillardan himoya qilish zaruratidir. Shunday ekan bozor iqtisodiyoti sharoitida har qanday xo‘jalik yurituvchi tadbirkor avvalo o‘zini o‘ylaydi,o‘z manfaati yo‘lida faoliyat ko‘rsatadi. Ya‘ni bu faoliyat ayrim hollarda tabiatga yoki inson salomatligiga ziyon yetkazishi, davlat manfaatlariga zid kelishi mumkin. Shu bilan birgalikda davlat ixtiyorida bir qator moliyaviy ya‘nj iqtisodiy vositalar ham mavjudki, ular yordamida davlat xo‘jalik yurituvchi suyektlarning manfaatlariga bevosita ta‘sir ko‘rsata oladi.
Soliqlar, sanatsiya va subsidiualar ana shunday vositalarga kiradi. Soliqlar davlat tomonidan iqtisodiyotni tartibga solishning eng kuchli va ta‘sirchan vositasi hisoblanadi. Ular har qanday ishlab chiqarish harajatlari tarkibiga kiritiladi. Shunday ekan, davlat iqtisodiyotni rivojlantirish uchun har qanday chora va usullarni qo‘llashi kerak.
Hozirda mustaqil ta‘limga alohida e‘tibor berilmoqda. Shuning uchun ayrim mavzularni talabalar mustaqil tarzda urganishlari lozim. Buning uchun mavjud adabiyotlar, qo‘llanmalar, ilmiy maqolalar, Prezident asarlari, jumladan, gazeta va jurnal materiallaridan foydalanish kerak. Biroq u yoki bu boradagi fakt va raqamlardan foydalanilganda ularni chuqur tahlil qilish va tegishli xulosalar chiqarish muhim ahamiyat kasb etadi. Shundagina biz talabalar yetuk mutaxasis bo‘lib yetishamiz va bugungi bozor iqtisodiyoti sharoitida o‘ylaymanki mamlakatimizning iqtisodiy ko‘rsatkichlarini oshirishda yetarlicha hissa qo‘sha olamiz.