I bob. Boshlang’ich sinflarda geometrik materialni o’qitishning nazariy asoslari

III Umumiy xulosalar.
Geometrik materialni o’qitishni samarali qilishning asosi uning qanday mazmunga ega ekanligi, qanday metod, vosita, shakllar qo’llanishi, qay darajada ta’lim jarayoni didaktik vositalar bilan ta’minlanganligiga bog’liq. O’qitishni tashkil qilishda o’qituvchi dars jarayonini kerakli vositalar bilan ta’minlanishiga alohida e’tibor berishi kerak. Uning qo’lida geometrik figuralar modellari, geometrik figuralar tasvirlangan plakatlar, amaliy ishlar berilgan kartochkalar, testlar, diktantlar, mustaqil ishlar, eng so’nggi pedagogik texnologiyalar, axborot texnologiyalari qo’llanilgan dars ishlanmalari jamlanmasi bo’lishi, dars jarayonida ulardan kerakli daqiqada eng samaralilaridan foydalanish lozim. Bunda o’qituvchida so’z va ish birligi namoyon bo’lishi kerak. Shundagina o’quvchida o’qituvchiga ishonch, darsga qiziqish ortadi. O’quvchilarning o’zlari ham darsda faol qatnashishga intiladilar. Ularning geometrik material bo’yicha olgan bilimlari xotirasida uzoq saqlanadi va yuqori sinf geometriya kursini o’zlashtirishda tayanch bilim bo’lib xizmat qiladi. Boshlang’ich ta’limda bir xillikdan qochish, dars jarayoniga yangi pedagogik texnologiyalarni kiritish va geometrik materialni o’qitishning didaktik ta’minotini yaratish lozim. Bunda I chorak oxiri uchun tuzilgan nazorat ishlari birmuncha sodda bo’lishi, uni nazorat sinf o’quvchilari ham mustaqil ishlay olishlari kerak. Bir yil davomida geometrik materik materialning o’qitishning didaktik ta’minotidan foydalanib darslar o’tilishi bilan o’zlashtirish samaradorligi eksperimental sinfda keskin o’zgarganligining guvohi bo’lamiz. IV chorak oxiridagi nazorat ishlari yetarli darajada murakkab tuzilmog’i darkor. Murakkab nazorat ishini qay darajada bajarganliga qarab 1 yil davomidagi tajriba sinov ishi natijasi ko’riladi. Bizning olgan natijamizdan ko’rinib turibdiki, kirish qismida keltirgan ilmiy farazimiz o’z isbotini topdi.