I bob. Aholi turmush darajasi va daromadlarini davlat tomonidan tartibga solishning nazariy asoslari

Nobank kredit tashkilotlari tizimini rivojlantirish O'zbekiston Respublikasi Markaziy banki tomonidan respublikada faoliyat ko'rsatayotgan nobank kredit tashkilotlari, xususan, mikrokredit tashkilotlari hamda lombardlar faoliyatini tartibga solish va nazorat qilish borasida amalga oshirilayotgan chora-tadbirlar, shuningdek, ular faoliyatining me'yoriy-huquqiy bazasi yanada takomillashtirilishi nobank kredit tashkilotlarining moliyaviy bar­qarorligini va faoliyati ko'lamini kengaytirishga mustahkam zamin yaratmoqda.

2016 yilning 1 yanvarь holatiga respublikamiz hududlarida jami 70 ta nobank kredit tashkilotlari faoliyat yuritayotgan bo'lib, ularning 27 tasini mikrokredit tashkilotlari va 43 tasini lombardlar tashkil qiladi.

Xususan, 2015 yilda 3 ta mikro­kredit tashkiloti va 4 ta lombardga faoliyatni amalga oshirish huquqini beruvchi litsenziyalar berildi.

2015 yilda mikrokredit tashkilotlarining asosiy ko'rsatkichlari barqaror o'sish tendentsiyasiga ega bo'lib, jami aktivlari qoldig'i 2014 yildagiga nisbatan 30,2 foizga oshib, 2016 yilning 1 yanvarь holatiga ko'ra, 67,5 mlrd. so'mga, kapitali 25,3 foizga oshib, 46,7 mlrd. so'mga va ajratilgan kredit va ko'rsatilgan lizing xizmatlari qoldig'i 24,2 foizga oshib, 54,4 mlrd. so'mga etdi.

Shuningdek, 2016 yilning 1 yanvarь holatiga ko'ra, lombardlarning jami aktivlari o'tgan yilning shu davriga nisbatan 36,0 foizga oshib, 41,5 mlrd. so'mni, kredit qo'yilmalari qoldig'i 44,7 foizga oshib, 34,6 mlrd. so'mni va jami kapitali hajmi 29,6 foizga oshib, 35 mlrd. so'mni tashkil etdi.

Nobank kredit tashkilotlari tarmog'i va ular tomonidan ko'rsatilayotgan mikromoliyalash xizmatlari ko'lamining kengayib borayotganligi kichik biznes va xususiy tadbirkorlikni moliyaviy qo'llab-quvvatlash, ayniqsa, aholini kreditlash hajmlarining oshib borishiga xizmat qilmoqda.