I. A. Bakieva, X. S. Xadjaev, M. Z. Muhitdinova., Sh. Sh. Fayziyev. Mikroiqtisodiyot

Ssuda  foizi  -  kapital  egasiga  uning  kapitalidan  ma’lum  muddat  oralig`ida 

foydalanganligi uchun to`lanadigan narxdir. 

Kapitaldan  foydalanishni  tahlil  qilganda  bugun  sarflangan  mablag`ni 

kelajakda sarflanadigan mablag` bilan taqqoslash yoki bugun olinadigan daromad 

bilan  kelajakda  olinadigan  daromadni  taqqoslash  muhim  ahamiyatga  egadir.  Bu 

erda  vaqt  omilini  e’tiborga  olish  kerak  bo`ladi.  Bugungi  sarflangan  bir  so`m  bir 

yildan  keyin  sarflanadigan bir  so`mga  teng  emas. Bularni bir-biriga  tenglashtirish 

uchun,  avval  ularni  bir  vaqtga  keltirish  zarur  bo`ladi.  Turli  xil  yillardagi 

harajatlarni  yoki  daromadlarni  bir  yilga  keltirishda  diskont  ko`paytiruvchisidan 

foydalaniladi. 

Harajat va daromadlarni bir xil boshlang`ich vaqtga keltirish hisob-kitoblariga 

diskontirlash deyiladi. Bunday hisob-kitoblar investitsiya loyihalarini baholashda 

keng  qo`llaniladi.  Investitsiyalarni  tahlil  qilganda  yillar  davomida  bo`ladigan 

---

 

355 

harajatlar  bilan  loyihadan  olinidigan  daromadlarni  solishtirishga  to`g`ri  keladi. 

Kelajakda  olinadigan  daromadning  nafi  bugungi  kunda  olinadigan  daromad 

nafidan  kichik  bo`ladi.  Nima  uchun  deganda,  joriy  daromadga  (ya’ni,  bugungi 

kundagi daromadga) kelajakda foiz bo`yicha qo`shimcha daromad olish mumkin.  

Loyihalarni  tahlil  qilishda  loyiha  qiymatini  aniqlash  uchun  bugungi  kunda 

qo`yilgan  kapital  mablag`lar  bilan  loyiha  amalga    oshirilgandan  keyin  olinadigan 

daromadlarni solishtirish zarur bo`ladi. Buning uchun joriy harajatni va kelajakda 

olinadigan daromadni hisob-kitob qilish kerak.