Huzuridagi davlat va jamiyat qurilishi akademiyasi

Terrorizm

 – insoniyat dushmani, taraqqiyot va yuksalish  kushandasi. 

Terrorizm

  ma‟lum  bir  guruhning  shaxsiy  manfaatlari,  o„z  orzu-umidlari  va 

g„ayriinsoniy xatti-harakatlarining majmuasidir. Ayni paytda u ana shu maqsadlarning 

amalga oshishi uchun har qanday xunrezliklardan, qotilliklar va zulmdan qaytmaydi. 

Terrorizm  xatti-harakatlarining  mazmuni  va  mohiyati  bevosita  zo„ravonlik,  inson 

hayotiga  tahdid  va  uning  huquqlarini  poymol  etish  bilan  bog„liq  bo„lgan,  butun 

mamlakatni  xonavayron  qilishga  olib  keladigan,  xalq,  millat  va  mamlakat  taqdirini 

butunlay boshqa o„zanga burib yuborib, o„z maqsadi va g„oyalarining ro„yobi uchun 

hech  narsadan  tap  tortmaslikdir.  Ayni  paytda  u  har  qanday  fikrlash,  aql-idrok 

doirasida  ish  yuritishdan  xoli  bo„lgan  shafqatsizlik,  ashaddiy  xunxo„rlik,  jazava  va 

tazyiq bilan yovuz niyatini amalga oshiradigan bir to„da olomon faoliyatidir. 

Terrorizm  turli  mamlakatlarda  turli  shakllarda  va  har  xil  maqsadlar  asosida 

dunyoga keladi, urchiydi, ko„payadi va yashaydi. Ma‟lum bir mamlakat xalqlarining 

dunyoqarashi,  ma‟naviy-ruhiy  qiyofasi,  aniqrog„i  ehtiyojlari,  turmush  tarzi  bevosita 

---

 

262 

ana  shunday  jarayonlarning  shaklini,  qiyofasini,  mohiyatini  va  rivojlanish 

jarayonlarini, boshqacha qilib aytganda evolutsiyasini belgilaydi. 

O„zbekistonda yuz bergan terrorchilik harakati ayni xalqimiz turmushi, an‟analari, 

urf-odatlari  va  aqidalarini  o„zida  mujassam  etgan,  uning  eng  nozik  his-tuyg„ularini 

hisobga  olgan  holda  yuzaga  keldi.  Darhaqiqat,  xalqni  qo„zg„atish  va  ularga  o„z 

ta‟sirlarini  o„tkazish  uchun  xuddi  ana  shu  nozik  va  ta‟sirchan  omillardan  Islom 

omilidan ustomonlik bilan foydalandilar va bu tendensiya hozir ham davom etmoqda. 

Zotan,  Islom  dini  o„zbek  xalqi  ma‟naviy,  ma‟rifiy  va  ruhiy  olamiga  katta  ta‟sir 

o„tkazgan,  xalqimiz  turmush  tarzidan  juda  chuqur  o„rin  olgan  katta  ijtimoiy  hodisa 

hisoblanadi.  Haqiqatan  ham  Islom  dini  yuksak  madaniyat  va  axloqiy  mezonlarni 

o„zida mujassam etgan qudratli mafkura, ilohiy ta‟limot sifatida hayotimizdan, qalbi-

mizdan,  ongimiz  va  shuurimizdan  alohida  o„rin  egallagan.  Terrorchilar  millat 

hissiyoti,  tuyg„ulari  va  ehtirorslari  bilan  bog„liq  bo„lgan  ana  shu  omildan  ayyorlik 

bilan foydalandilar. 

Islom  niqobi  ostida  amalga  oshirilgan  qo„poruvchilik  harakatlari  bir  guruh 

aqidaparastlarning  qonuniy  hokimiyatni  ag„darib  tashlash  va  shu  yo„l  bilan  davlat 

tepasiga  chiqib  olish  singari  maqsadlari  tufayli  yuz  berdi.  1999-yil  16-fevral  kuni 

sodir bo„lgan qonli fojialarning butun mazmuni va mohiyati ana shundan iborat. 

Fevral  voqealari  bugunning  mahsuli  emas.  U  yillar  mobaynida  maddalab, 

yiringlab, oxir-oqibatda millat va mamlakat jism-u jonini azobga soladigan, so„ng esa 

butunlay halokatga keltiradigan ashaddiy yovuzlikdir. 

Mustaqillik  arafasida,  aniqrog„i  1980-yillarning  ikkinchi  yarmida  sobiq  Ittifoq 

hududida,  jumladan,  O„zbekistonda  ham  vujudga  kelgan  demokratiya  o„yinlari 

natijasi  bo„lmish  bu  illat  yillar  o„tgan  sari  faoliyat  doirasini,  shaklini,  ta‟sir  etish 

yo„llarini  o„zgartirib  turdi.  Biroq,  mazmun-mohiyati  o„sha-o„shaligicha  qolaverdi  – 

qon to„kish, zo„ravonlik yo„li bilan hokimiyat tepasiga chiqib olish! O„zlarining qabih 

niyatlariga  erishish  uchun  hech  narsadan  tap  tortmaydigan,  chirkin  va  jirkanch 

maqsadlari  yo„lida  millionlab  begunoh  odamlar  yostig„ini  quritishdan  toymaydigan, 

fikrlashdan uzoq bo„lgan kishilar guruhi ayni ana shunday yo„l tutadi. 

Hayotda  o„zining  qat‟iy  pozitsiyasiga,  mustaqil  fikriga  ega  bo„lmagan,  voqelikka 

aql-idrok bilan emas, balki hissiyot bilan yondashadigan odamlar havoyi da‟vatlarga 

tez  uchadilar.  Terrorchilik  harakati  tashkilotchilari  aholining  xuddi  ana  shunday 

irodasi  bo„sh,  iymoni  sust,  dunyoqarashi  cheklangan,  fe‟l-atvori  shakllanmagan 

qatlami ichiga kirib olishdi. Ularning zaif jihatlaridan ustomonlik bilan foydalanishdi. 

Mamlakat  Prezidenti  fevral  voqealariga  daxldor  bo„lgan  terrorchilik  guruhi 

ta‟siriga uchgan, bilib-bilmay ko„r-ko„rona ularga ergashganlarni yurt va millat otasi 

sifatida  gunohlaridan  kechishi  haqida  bayonot  berganidan  keyin  sodir  bo„lgan 

voqealar diqqatga sazovor. 

Darhaqiqat,  bir  necha  yuzlab  yoshlar  o„z  ota-onalari  bilan  tanlagan  yo„llarining 

noto„g„ri  ekanligini  anglab  yetdilar.  Kimlarningdir  tazyig„i  va  ta‟siri  bilan 

g„ayriislomiy  –  g„ayriinsoniy  yo„lga  kirib  qolganliklaridan  pushaymon  bo„lib,  uzr 

---

 

263 

so„ramoqdalar.  Ana  shu  fojiaviy  holatning  o„zi  diniy  aqidaparastlik  nima  ekanligini 

yaqqol ko„rsatmoqda. 

Farg„ona vodiysida, xususan, Andijon viloyatida payt poylab yurgan aqidaparast, 

ekstremistik  guruhlar  o„zlarining  uzoq  vaqtdan  beri  pinhona  tayyorlab  kelgan 

rejalarini 2005-yil  13-may  kuni  amalga oshirishga urindi. Ular Qirg„izistondagi kabi 

O„zbekistonda ham mahalliy va markaziy hokimiyat zaiflik qiladi, degan xomxayolga 

borgan  edi.  Jangarilar  ongi  zaharlangan  yoshlarni  o„zlariga  ergashtirib,  ma‟muriy 

binolarni  egallash  yo„li  bilan  o„z  qabih  maqsadiga  erishishni  rejalashtirgan  edi. 

Andijonda  xalq  saylagan  konstitutsiyaviy  hokimiyatni  ag„darishni,  bu  yerda 

musulmon xalifaligi tuzishni mo„ljallagan edi. 

Ayrim  davlatlarning  Markaziy  Osiyo  mintaqasiga  demokratiyani  majburan 

o„rnatishga  urinishidan  uchinchi  kuch  foydalanib  qolishi  mumkin.  Bu  kuch  –  islom 

dinini niqob qilib olgan yovuz niyatli radikal oqimlardir. 

Oldindan  puxta  tayyorgarlik  ko„rgan  qurollangan  jangarilar  yarim  tunda 

shahardagi  post-patrul  xizmati  batalyoni  hududiga  bostirib  kirib,  to„rt  nafar 

navbatchini otib tashlaydi. O„nlab avtomat, granata, ikkita qo„l pulemyoti va boshqa 

qurol-yarog„ni  qo„lga  kiritgan  bosqinchilar  tunda  Mudofaa  vazirligining  harbiy 

qismiga  borib  navbatchini  otib  tashlab,  qo„shimcha  qurol-aslahani  qo„lga  kiritadi. 

Qamoqxona  darvozasini  buzib  kiradi,  qurol  bilan  qo„rqitish  orqali  hibsxonalardan 

qariyb 600 nafar mahbusni chiqarib yuboradi. 

Bosqinchilar  tinch  aholiga  tegishli  yengil  mashinalarni  egallab  oladi,  qurollardan 

o„q  otgan holda  viloyat  hokimligi,  Milliy  xavfsizlik  xizmati  viloyat  boshqarmasi  va 

viloyat ichki ishlar boshqarmasi binolariga hujum uyushtiradi. Ular viloyat hokimligi 

binosini egallaydi. 

Jangarilar  har  bir  harakatini  ayollar, bolalar, qariyalar va  boshqa  garovga  olingan 

kishilar panasida turib amalga oshiradi.  

Mamlakatimiz  Prezidenti  shu  kuni  erta  tongdayoq  Andijonga  yetib  bordi.  Shahar 

va  viloyat  jamoatchiligi  vakillari,  mahalla  oqsoqollari  bilan  uchrashdi.  Ular  bilan 

maslahatlashgan holda vaziyatni izga solish bo„yicha aniq chora-tadbirlar belgiladi. 

Mamlakatimiz, xalqimiz istiqlolning ilk kunlarida belgilab olgan oliy maslagimiz – 

huquqiy  demokratik davlat  barpo  etish va  adolatli  fuqarolik  jamiyatini  shakllantirish 

yo„lidan dadil boraveradi. Jamiyatni demokratlashtirish hamda yangilash, mamlakatni 

modernizatsiya  va  isloh  etish  –  bosh  maqsadimizdir.  Erkin,  demokratik  fuqarolik 

jamiyati talablariga to„liq javob beradigan yuksak taraqqiyotga erishish yo„lidan bizni 

hech kim, hech qachon qaytara olmaydi.