Huzuridagi davlat va jamiyat qurilishi akademiyasi

Ikkinchidan, «Fundamentalistlarning adolat haqidagi olomonbop, jozibador, 

ammo  baqiroq  va  asossiz  da‟vatlariga  ko„r-ko„rona  ergashuvchilar  o„zgalar 

irodasining  quli  bo„lib  qolishini  anglashimiz  lozim»

,  deydi  Prezident  I.Karimov. 

Darhaqiqat,  bu hayqiriq va  baqiriqlar  yuzaki qaraganda  odamlarni  o„ziga  jalb  etadi, 

kundalik  mayda  kamchiliklarni  dunyoviy  tashvishga  aylantirib,  ularning  qalbida 

hayotga  nisbatan  norozilikni  kuchaytiradi,  ruhiyatida  parokandalik  va  parishonlik, 

oxir-oqibatda  esa  tarkidunyochilik  kayfiyatini  uyg„otadi.  Insonning  yaratuvchilik 

qudrati,  mehnat  qilish  va  yashash  iqtidori  susayadi.  Xonanishin  kayfiyat  qurshovida 

qoladi. 

Qolaversa, allaqanday hayqiriqlar va shiorlar girdobiga tushib qolgan kishi o„zini 

ruhan  erkin  his  qila  olmaydi.  Shaxs  erkinligi,  uning  yashash  erki  va  butun  fikriy-

ma‟naviy ozodligi ko„zga ko„rinmas tor chegaralar doirasida biqinib qoladi. Natijada 

o„sha qobiqdan chiqolmaydi, bu keng va rang-barang olamni diqqinafas xonadangina 

iborat  deb  biladi,  o„sha  qobiq  ichida  yashaydigan  va  fikrlaydigan  bo„lib  qoladi. 

Hurfikrlilik,  ozod  yashash,  ozod  fikrlash  jozibasidan  mahrum  bo„ladi.  Natijada  o„zi 

anglamagan  holda  kimlargadir  mute  bo„lib  qoladi.  Tobelik  uni  butunlay  o„rab-

chirmab oladi. Taraqqiyot ana shu yo„l bilan to„xtatiladi. Harakatsiz, tushkun va mo„rt 

hayot shakllanib boradi.