|
Ўзим Ҳақимда
Исмим Маъруф Мадиёров, мен дизайнер, тадбиркор ва бизнес бўйича
тренерман. Бўш вақтимда китоб ўқиш, китоб ва мақолалар ёзиш,
саёҳат қилиш, тоққа чиқиш, чўмилиш ва бошқа нарсаларни ёқтираман.
Менинг рафиқам ва 3 ширин болам бор. Ҳозирги пайтда биз бахтли
бўлиш учун хар лахзадан фойдаланаяпмиз.
Мен сизга айтсам, ҳаёт хар доим ҳам лаззатли бўлмаган. Унинг паст
баландликлари бор деб тўғри айтишган экан. Бир пайтлар биз пулга
мухтож эдик, рафиқам ва ўғлим билан эски уйда ижарага яшар эдик.
Менинг аёлим биз учун ҳовлида овқат таёрлар эди, чунки ошхонамиз
йўқ эди. Кийишга кийимимиз йўқ, ейишга овқатни базўр етқизар эдик.
Кунимизни зўрға кечирар эдик. Ўша вақтларда, менинг бирдан бир
приоритетим ПУЛ ТОПИШ эди! Бошқа савол йўқ. Негадур яқин орада
омадим келиб қолиб менга даромад келади деб ўйлар эдим. Лекин,
вақт ўтган сайин, пул келмас эди, мен эса кўпроқ харакат қилсам ҳам
пул келмас эди. Ахволим танг бўлиб, доим ҳафа, тушкунликда эдим.
Хозир эса ҳаётим бутунлай ўзгача. Биз оилам билан ўзим хохлаган
квартирада яшаймиз. Кийимларимиз башанг, олганимиз олдинда,
олмаганимиз орқада. Мен ўзим севган ишим билан шуғулланаман, ва
истаган пайт ишлаб, истаган пайт дам оламан. Иккита орзу қилган
мамлакатимга бориб келганман, АҚШ ва Дубай, Араб Амирликларига.
Ўзбекистондек юртимни чин кўнгилдан қадрлайман ва унга етадиган
жой йўқ деб билганим учун шу ерда яшаб истиқомат қиламан.
Менинг ҳикоямга қайтсак, ўша пайтларда мен ҳамма нарсага шубха
билан қарашни бошладим. Нимадир жойидамасдек туйилар эди. Бир
нарса борку лекин мен уни билмас экандек туюларди. Шундан сўнг,
жумбоқнинг бир қисмини топиш учун, интернетни кавлашни
бошладим. Мен бунинг йўлини албатта топаман деб, ўзимга ўзим
ваъда бердим. Мен пул ҳақида китоблар ўқир, курсларда қатнашар
эдим. Секин секин, бирин-кетин керакли билимларни ола бошладим.
Шундан кейин, ҳамма нарса ўз ўрнига келишни бошлади. Менинг
билимим ошган сари пулим ҳам кўпая бошлади. Пул билан билим
орасида қандайдир бир алоқа борлигини сездим, аммо менинг
ҳавотирларим йўқ бўлиб кетмади, пулим ҳам бир келса бир кетишни
давом этди.
Шу кунларнинг бирида, тўсатдан, интернетни кўриб ўтирганимда,
секрет деган фильмни томоша қилдим. У ҳақида танишларимдан
озмунча мақтовларни эшитган эдим. Менга бу фильм жуда ёқди,
ундан хайратланиб, жумбоғимизнинг энг асосий қисмини топдим.
Ҳамма нарса ўзимизнинг туйғуларимизга боғлиқ экан! Биз ўзимизни
қандай хис қилсак, атрофимизга ҳам худди шундай нарсаларни тортар
эканмиз! Бунинг номи тортишиш қонуни экан.
Янгиликни билиб, мен ўта хурсанд бўлдим ва яратганга бундай
билимни берганлигидан бехад миннатдор бўлдим. Агар бу тортишиш
қонунини ўргансам, мен ҳам барча орзу ниятларимга эришишим
мумкинлигини англаб етдим. Бунга амин эдим.
Шу дақиқадан бошлаб, мен ҳар куни орзуларимни тасаввур қилиб,
уларнинг ичида яшай бошладим. Мен ўзимни бой, бадавлат, уй ва
қимматбахо машиналарим бор деб тасаввур қилар эдим. Бу
нарсаларга эришишим шарт деб, мен хар куни ўзимни ўзим шундай
визуализация қилишга мажбур қилар эдим. Аммо ва лекин,
натижалардан асар ҳам йўқ эди.
Бир йиллик урунишлардан кейин, натижаларни кўрмай, мен таслим
бўлдим. Хеч нарсани билмаслигимини тан олдим. Ва айнан худди шу
дақиқадан бошлаб, ҳаётимда жиддий ўзгариш содир бўлди.
Яхшиямки, мен бир ҳаёт қонунини билган эдим: агар бир нарсага
эриша олмаятган бўлсам, демак ниманидир билмас эканман. Шунинг
учун мен, яна бир марта ўзимга ваъда бердим, буни албатта
ўрганаман деб.
Мен секрет кинофильмида иштирок этган барча актёрларнинг исмини
билиб олиб, уларни интернетдан излаб топишни бошладим.
Жумладан, Жо Витале, Боб Проктор, Жек Кенфилд, Майкл Беквитс ва
бошқаларнинг сайтларига кириб, видеоларини кўриб, китобларини
варақлашни давом эттирдим. Уларнинг китоблари дунё
бестселлерларига айланиб бўлган эди.
Бу изланишларимдан кейин мен тортишиш қонунини қадам-ма қадам
бажариш схемасини туздим. Шу схема ҳақида сиз билан
бўлишмоқчиман, лекин даставвал баъзи мухим нарсаларни билиб
олишингиз керак. Тортишиш қонунига хеч қандай шубха йўқ, у барча
инсонлар билан ишлайди. Бунинг исботини топиш учун атрофингизга
назар ташласангиз бас: сиз атрофингиздаги ҳамма нарсаларни
тортишиш қонуни орқали ўзингизга тортиб олгансиз. Нимани хохлаган
бўлсангиз шунга эга бўлгансиз. Бу ҳақида батафсилроқ кейинги
бўлимларда сухбатлашсакда, хозир эса баъзи мухим нарсаларни
билиб олишингиз керак. Тортишиш қонуни сизга ижобий натижа
бериши учун баъзи бир шароитлар мавжуд бўлиши керак. Секрет
фильмида булар хақида гапирилмаган, бу нарсалар менинг
изланишим натижасида топилган, энди эса бу билимлардан сиз ҳам
фойдаланишингиз мумкин, ва бу ишда сизга чин кўнгилдан
муваффақият тилайман.
Do'stlaringiz bilan baham: |
