Хуш келибсиз

Ушбу қўлланма орқали мен сизга қуйидагиларга 
эришишга ёрдам бераман
1.
Орзуларингизга эришиш учун энг замонавий таълимотлардан олинган 
қадамма қадам йўл
2.
Энг зўр психологик машқлар орқали ички қаршилигингизни бутунлай 
йўқ қилиб ташлаш
3.
Ичингиздаги илоҳий илҳомингиздан фойдаланиб барча орзуларингизга
самарали эришиш
4.
Кўпчиликнинг тортишиш қонунига эриша олмаганлигида қилган 
хатолари ва уларнинг ечими
Келинг бошлаймиз
ОГОҲЛАНТИРИШ
Кўп китобларда бўлган ортиқча 
чиройли, аммо эзма гаплардан холи 
бўламизда, дарров фойдали 
нарсаларга ўтамиз.

---

Сўз боши
Бу китобни ўқиятган бўлсангиз демак сизда ҳам бу савол бор: қандай 
қилиб бахтли ҳаёт кечирсам? Кимдир бахтни миллион долларда деб 
билса, кимдир болаларининг табассумида, кимдир яхши кўрган ишида
деб билса, кимдир иймонида дейди. Ҳаммамиз хар ҳилмиз, лекин 
бизни бир нарса бирлаштиради - орзу-ниятларимиз. Хар бир инсон 
туғулганида ўзининг орзуси бўлади. Кўпинча ҳаёт ташвишларида 
югуриб юрамиз, аммо бизни хеч ким тўхтатиб: Орзуларингчи?! деб 
айтмайди. Биз, замонавий инсонлар, энг керакли нарсаларни четга 
суриб қўйишга одатланганмиз.
Матрица деган фильмни кўрган бўлсангиз керак. Махорат билан 
олинган бу фильмда бизнинг ҳаётимизга ўхшаш фалсафани 
танигандай бўламан. Унда инсонлар гўёки хақиқий ҳаётда 
яшаятгандек, аммо аслида буларнинг ҳаммаси туш, аслида улар 
шавқатсиз машиналарнинг бешикларида ухлаб ётган деб 
тасвирланган.
Яхшиямки бу кино ҳақиқат эмас, бизнинг ҳаётимиз унчалар дахшатли 
эмас, аммо уйқунинг борлиги мажозий маънода ўз кўринишига эга. 
Сўз боши

---

Хар куни қаергадир шошиб бориб, шошиб келаверамиз. Менинг 
водийда яшайдиган бир дўстимнинг гапи билан айтганда, шаҳарни 
катта театрга ўхшатаман, ундаги одамлар хар куни бир 
персонажнинг кийимини кийиб ролини ўйнайди. Унинг гапида жон 
бордек туйилади менга. Ҳаммамизнинг онгимизда мажбуриятларимиз,
вазифаларимиз, тирикчилик, уй, иш, бозор ва хоказо. Ҳаётдаги 
орзуларчи? Маъночи? ниятларимизчи? Биз тирикчилик деб аталган 
чуқур уйқуга шўнғиганмиз ва менимча яқин орада бизни хеч ким уйғота
олмайди чамаси...
Гапларимни тушунган бўлсангиз мен сизни табриклайман ва орзу-
ниятлар деб аталган оламга хуш келибсиз! Бу китоб менинг узоқ 
йиллик саргузаштларим маҳсули. Ундаги ҳақиқатга эришиш учун мен 
тўлиқ маънода дунёни нариги чеккасигача бориб келганман. Ҳаётим 
давомида ўрганган ва менга фойда берган билимларни баҳам 
кўрмоқчиман. Бошлашимдан аввал, келинг мен ўз ҳақимда бироз 
айтиб берсам.

---