Хулосалар

а) Ўзбекистон фермер, деҳқон хўжаликлари ва томорқа ер эгалари кенгаши бўйича:
Ўзбекистон фермер, деҳқон хўжаликлари ва томорқа ер эгалари Кенгашининг фаолиятининг ривожлантириш бўйича қабул қилинган қарорларини жойларда ижроси талаб даражасида ташкил этилмаган.
Ҳудудий кенгашларининг деяри 50 фоизидан ортиғи замонавий компютер ва оргтехникалар, мебел, жихозлар, хизмат автомашиналари билан таъминланмаган.
2018 йилда кўп тармоқли фермер хўжаликларини ривожлантириш Дастурига асосан чорвачилик йўналиши бўйича жами 8371 та лойиҳалар ишга туширилиши режалаштирилган бўлиб, амалда жорий йилнинг 1 май ҳолатига жами 2767 та ёки 33 фоиз лойиҳалар ишга туширилган.
Жумладан, қорамолчилик йўналишидаги лойиҳалардан 573 таси (24 фоиз), қуйчилик йўналишида 402 таси (34 фоиз), эчкичилик йўналишида 232 таси (34 фоиз), паррандачилик йўналишида 473 таси (31 фоиз), балиқчилик йўналишида 426 таси (42 фоиз), асаларичилик йўналишида 555 таси (44 фоиз), қуёнчилик йўналишида 105 таси (36 фоиз) ишга туширилган.
Шу билан бирга, чорвачилик бўйича лойиҳалар Самарқанд вилоятида
20 фоизга, Сурхондарё ва Фарғона вилоятида 23 фоизга, Бухоро вилоятида 26 фоизга, Хоразм вилоятида 27 фоизга бажарилган бўлса, қорамолчилик лойиҳалари Самарқанд вилоятида 4 фоизга, Андижонда 5 фоизга, Наманган, Хоразм ва Сурхондарё вилоятларида 15-20 фоизга бажарилган.
Бухоро вилоятида иссиқхона ташкил этиш йўналишидаги лойиҳалар
21 фоизга, Самарқанд ва Сурхондарё вилоятларида 38 фоизга бажарилган бўлса, музлаткичли омборхоналар ташкил этиш йўналишида Қорақалпоғистон Республикасида белгиланган 20 та ва Сирдарё вилоятида 12 та лойиҳалардан биронтасининг ҳам ижроси таъминланмаган.
2018 йилда кўп тармоқли фермер хўжаликларини ривожлантириш Дастурига асосан гўштни қайта ишлаш йўналишидаги лойиҳалардан 21 таси
(12 %), сутни қайта ишлаш йўналишида 31 таси (17 %) ишга туширилган.
Гўштни қайта ишлаш бўйича лойиҳалар Қорақалпоғистон Республикаси, Бухоро, Жиззах, Қашқадарё, Самарқанд ва Сурхондарё вилоятларида тасдиқланган лойиҳаларнинг биронтаси ҳам бажарилмаган.
Шунингдек, Сутни қайта ишлаш йўналишида лойиҳалари Жиззах ва Самарқанд вилоятларида биронта ҳам ташкил этилмаган бўлса, Сурхондарё вилоятида 6 фоизга, Қашқадарё ва Наманган вилоятларида 7 фоизга бажарилган.
Мева-сабзавот маҳсулотларини қайта ишлаш бўйича лойиҳалар Бухоро вилоятида 5 фоизга, Сурхондарё ва Наманган вилоятларида 6 фоизга, Самарқандда 7 фоизга ва Қашқадарёда 8 фоизга бажарилган.
2018 йил 1 май холатига кўп тармоқли фермер хўжаликларини ривожлантириш дастуридаги лойиҳаларнинг Самарқанд вилоятида 97 фоизи, Қорақалпоғистон республикасида 89 фоизи, Сирдарё вилоятида 75 фоизи, Наманган вилоятида 71 фоизи тижорат банклари кредит маблағлари хисобидан молиялаштирилмаган.