Хулоса Бизнес ғоя

8 Жараёнлар ва ташкил этиш

8.1 Асосий жараёнлар

“Бозордаги рисклар” бўлимида аллақачон айтиб ўтилганидек, мен мижозлар билан иш шартномаларини тузмоқчиман, улар индивидуал бизнес модели ва муносабатларни аниқлаштиради, бу эса мижознинг содиқлигини таъминлайди. Менинг хизматим мижозга маҳаллий шароитда тақдим этилади. Иш айни баҳор пайтида қизғин тус олади. Ҳатто икки сменада иш ташкил этилиши ҳам мумкин.
Мижозларни жалб этишга, шунингдек, музокаралар ва шартномалар учун ўзим масъул бўламан. Бундан ташқари, хизмат кўрсатишни ҳам амалга ошираман. Бу дегани, ўзим машинам билан суюқ гўнг ва ферментация қолдиқларини ташийман ва техникам билан ерга ишлов бераман. Қолаверса, мен ходимларни режалаштириш ва етакчилик қилишга ҳам жавобгарман.

8.2 Қўллаб – қувватловчи жараёнлар

Бухгалтерия бўйича мени онам қўллаб-қувватлайди. У бу соҳада жуда яхши билимларга эга, чунки у 20 йилдан ортиқ ота – онамнинг корхонасида бухгалтерия ҳисобини юритган. Мураккаброқ масалаларда ёки йил сарҳисоби бўйича солиқ маслаҳатчисига мурожаат қиламан.
Машиналарни парвариш қилиш ва техник хизмат кўрсатишда Автомобилларнинг механик устаси бўлиб мустақил фаолият юритган отам менга кўмак беради. Бунинг учун оиламизга тегишли устахона мавжуд.

8.3 Ходимларни режалаштириш

Ўзимдан ташқари корхонамда яна иккита тўлиқ штатли ишчи кучи зарур. Бандлик бюросидан олинган маълумотларга кўра, ҳозирда етарлича малакали ишчилар мавжуд. Иш жуда қизғин вақтларда камида учта вақтинчалик ишчи кучи керак бўлади. Акам ва отам аллақачон менга ёрдам беришга келишиб олишган. Бундан ташқари, мен шахсан ҳар доим бажонидил ёрдам беришни яхши кўрадиган бир қатор фермерларнинг ўғилларини танийман.
Кейинги буюртма ва мижозларнинг аҳволига қараб, қўшимча ходимларни ёллаш амалга оширилиши мумкин. Шунинг учун ходимларни режалаштириш, жуда юқори харажатларга йўл қўймаслик учун, нисбатан мослашувчан қилиб шакллантирилган.

8.4 Инфраструктура

Компьютер, телефон ва офис учун зарур жиҳозлардан иборат офис инфратузилмаси аллақачон мавжуд. Офисда фақат маркетинг материаллари ва интернет саҳифа йўқ. Техник ускуналар ташкилот жойлашган ерда ўрнатилган. Амакимнинг мавжуд омборларидан бепул фойданилади.