Hujjat matni 152512-(152557)

---

e-qaror.gov.uz
26.04.2022
1
2021 - yil 14 - avgust
VI-37-7-2-32-K/21
Buxoro tuman hokimligi
Buxoro tumanidagi sektorlar, davlat va xo‘jalik boshqaruvi organlari hamda
mahalliy o‘zini-o‘zi boshqarish idoralari tomonidan aholi murojaatlari bilan
ishlash, muammolarni bartaraf etish haqida O‘zbekiston Respublikasi
Prezidentining Buxoro tumani Xalq qabulxonasi mudiri B.Boltayevning axboroti
to‘g‘risida
Xalq deputatlari tuman Kengashi shuni qayd etadiki, O‘zbekiston Respublikasi
Prezidentining Virtual va Xalq qabulxonasi axborot tizimlariga yo‘llagan murojaatlar
soni 2020 yil II choragiga nisbatan 1167 tadan 1657 taga yoki 490 taga ko‘paygan.
O‘tgan 2020 yil II-choragiga nisbatan O‘zbekiston Respublikasi Prezidentining
Virtual va Xalq qabulxonasi axborot tizimlariga murojaatlarni yo‘llash tuman 1-
sektorning Rabotak MFY (54ta), Do‘stlik MFY (14 ta), 2-sektorining Sheyxoncha
MFY (45 ta), kamaygan bo‘lsada, ammo murojaatlarning soni bo‘yicha tahlil
qilinganda o‘tgan 2020 yil xuddi shu choragida murojaatlar soni oshganligini ko‘rish
mumkin.
Jumladan, 1-sektor bo‘yicha 277 tadan 499 taga yoki 222 ta, 2-sektor bo‘yicha
366 tadan 461 taga yoki 95 taga, 3-sektor bo‘yicha 228 tadan 441 taga yoki 213 taga,
4-sektor bo‘yicha 167 tadan 273 taga yoki 106 taga ko‘paygan.
Shu bilan birgalikda, o‘tkazilgan tahlil natijalari shuni ko‘rsatadiki, tumanda
O‘zbekiston Respublikasi Prezidentining 2019 yil 17 yanvardagi “Aholi muammolari
bilan ishlash tizimini yanada takomillashtirish chora-tadbirlari to‘g‘risida”gi PF-5633-
sonli Farmoni va uni ijrosini ta’minlashga doir qarorlar hamda ko‘rsatmalar
talablaridan kelib chiqadigan vazifalarning ijrosini to‘liq ta’minlashga erishilmagan.
Ta’kidlash joizki, O‘zbekiston Respublikasi Prezidentining 2019 yil 8
yanvardagi PQ-4102-sonli “Hududlarni kompleks ijtimoiy-iqtisodiy rivojlantirish
bo‘yicha sektorlar faoliyatini yanada takomillashtirishga doir qo‘shimcha chora-
tadbirlar to‘g‘risida”gi Qarori bilan tasdiqlangan vazifalar sektorlar va ayrim davlat
hamda o‘zini-o‘zi boshqarish organlari tomonidan lozim darajada bajarilmaganligi
hamda tegishli tushuntirish ishlari olib borilmaganligi oqibatida murojaatlarning
salmog‘i qator hududlarda yuqoriligicha qolmoqda.

---