Hsm markaziy Osiyo jahon sivilizatsiyasining ajralmas qismi. 02 Mavzu

O‘zbekiston insoniyat sivilizatsiyasining qadimgi o‘choqlaridan biri

O‘rta Osiyo hududida qadimgi jamiyat rivojlanishining alohida bosqichlari quyidagicha davrlashtiriladi:

Paleolit (qadimgi tosh davri - yunoncha «paleos» - qadimgi», «litos» - «tosh»). Eng qadimgi odamlar yasagan mehnat va ov qurollari, asosan, toshdan bo‘lgani uchun insoniyat tarixining dastlabki bosqichi – qadimgi tosh davri deb ataladi. Mintaqamizda odamzodning paydo bo‘lishi bundan 1 mln. - 700 ming yil ilgari sodir bo‘lganligi taxmin qilinadi. Paleolit davri o‘z navbatida uch bosqichga: ilk paleolit, o‘rta paleolit va so‘nggi paleolit bosqichlariga bo‘linadi;

Ilk paleolit. O‘rta Osiyodagi ilk paleolit davri moddiy madaniyat yodgorliklari miloddan 1 mln. - 100 ming yil avvalgi davrlarga oid bo‘lib, ashel davri deb ataladi;

O‘rta paleolit. (Muste davri), miloddan avvalgi 100 - 40 ming yilliklar;

So‘nggi paleolit. Miloddan avvalgi 40-12 ming yilliklar. Muhim o‘zgarishlari: aqlli odamning shakllanishi, urug‘chilik tuzumiga o‘tilishi. Matriarxat. San’atning kashf etilishi. Kesuvchi, arralovchi va parmalovchi mehnat qurollarining kashf etilishi. Munchoq, tumor, uzukning yasala boshlanishi.

Ibtidoiy poda davri. Manzil-gohlari: Seleng‘ur, Obi-rahmat, Teshik-tosh va boshqa-lar