Hozirgi o’zbek

-ган (-кан, -қан): ўқиган, эккан, чиққан.
-вчи, (-увчи): ишловчи, айтувчи.
-диган, -ётган: ўқийдиган, бораётган.
-р (-ар): ўқир, ёзар.
-гай: боргай.
-жак (-ажак): айтажак, боражак.
-гуси (-ғуси): келгуси, бўлғуси.
Сифатдошлар замон маъносига кўра уч хил:

1. 
   Ўтган замон сифатдош -ган (-кан, -қан) қўшимчалари билан ҳосил бўлади: ўқиган, келган.
   
2. 
   Ҳозирги замон сифатдошлари -вчи (-увчи), -ётган қўшимчалари билан ҳосил бўлади: ишловчи, ўқиётган.
   
3. 
   Келаси замон сифатдоши -р (-ар), -диган, -гай, -жак (-жак), -гуси қўшимчалари билан ясалади: борар, борадиган (эди), боргай, боражак, боргиси.
   

Ҳаракат номи. Ҳаракат ва ҳолатнинг номини билдириб, гапда отга хос вазифаларни бажарадиган феъл шакли: ишламоқ, куюнмоқ каби.
Ҳаракат номи феъл каби мазмунан ҳаракат ва ҳолатни билдиради, ўтимли-ўтимсиз бўлади, нисбат шаклларида бўлади ва бошқа сўзни бошқаради. Масалан, Ахир бугун одамлар чўлга кетишади. (С.А.) гапидаги кетишади сўзи ҳаракатни ифода этади, ўтимсиз, биргалик нисбатида, чўл сўзини бошқарган.
Ҳаракат номи отлар сингари келишик, эгалик қўшимчаларини олиб қўлланилади. Гапда от каби эга, тўлдириувчи, аниқловчи вазифаларида келади.
Ҳаракат номи -ш (-иш), -в (-ув) -моқ қўшимчалари орқали ҳосил бўлади. Бу қўшимчалар ўзаро маънодош бўлиб, -моқ шакли феълга яқин. Шунинг учун бу шакл феълнинг ноаниқ шакли (бош шакли) деб қабул қилинган. Луғатларда феъллар -моқ шаклида берилади: ўқимоқ, ишламоқ.
-ш (-иш), -в (-ув) қўшимчалари билан ҳосил бўлган ҳаракат номи отга яқин.
-ш (-иш) қўшимчали ҳаракат номи эгалик ва келишик қўшимчалари билан қўлланади: айтишим (керак), айтишга (келдим) каби.